EQ လား IQ လား

EQ လား IQ လားလူတစ်ယောက်၏ အောင်မြင်မှုရရန်အတွက်လိုအပ်ချက်မှာ ဦးနှောက်ဉာဏ်ရည်အဆင့်(IQ) မဟုတ်။ နှလုံးရည်အဆင့်အတန်း(IQ)ဖြစ်ကြောင်း အမေရိကန်နိုင်ငံ ဟားဗတ်တက္ကသိုလ်မှ စိတ်ပညာရှင် နီးယဲလ်ဂိုးလ်မန်းက ဖော်ထုတ်ပြောကြားခဲ့သည်။ သူသည် ဆယ်နှစ်အတွင်း အလုပ်သမား တစ်ထောင်ခန့်ကို သုတေသနပြု လေ့လာတွေ့ရှိမှုအရ (IQ)ကြောင့်အောင်မြင်သူ ၂၅%၊ (EQ)ကြောင့်အောင်မြင်သူ ၇၅% ရှိကြောင်း တွေ့ရှိခဲ့သည်။ဦးနှောက်ဉာဏ်ရည်အဆင့်ကောင်းသော ဘွဲ့ရပညာတတ်အုပ်ချုပ်ရေးမှူးတစ်ယောက်သည် နှလုံးရည်အဆင့်အတန်း ညံ့ဖျင်းသဖြင့် လုပ်ငန်းခွင်မှာ အောင်မြင်မှုမရ၊ အလုပ်မှ ထွက်ခဲ့ရလေပြီ။ ထိုအလုပ်ကို ဦးနှောက်ဉာဏ်ရည်အဆင့်နိမ့်ပြီး ဘွဲ့မရသော်လည်း နှလုံးရည်အဆင့်အတန်းမြင့်သည့် အုပ်ချုပ်ရေးမှူးက အုပ်ချုပ်လုပ်ကိုင်သည့်အခါ လုပ်ငန်းအောင်မြင်ရုံမက ထိုအုပ်ချုပ်ရေးမှူးသည် လုပ်ငန်းတွင် ရှယ်ယာဝင်တစ်ယောက်ပင် ဖြစ်ခဲ့ရကြောင်း နီးယဲလ်ဂိုးလ်မန်းသုတေသနပြုရာ၌ တွေ့ရှိခဲ့ရသည်။(EQ)နှလုံးရည်ပြကိန်း (Emotional Quotient)သည် အကျင့်စာရိတ္တနှင် စိတ်နေသဘော သဘာဝ၏ အရည်အသွေးပင်ဖြစ်သည်။နှလုံးရည်အဆင့်အတန်း (EQ)မြင့်သူသည် -(၁) ကိုယ့်ကိုကိုယ် အကဲဖြတ်သိနိုင်ခြင်း (Self Evaluation)(၂) ရုတ်တရက်ပေါ်ပေါက်လာသော စိတ်လှုံ့ဆော်မှုကို ထိန်းချုပ်နိုင်ခြင်း (Impulse Control)(၃) ကိုယ့်သိက္ခာကိုယ်စောင့်ခြင်း (Self Oiscupline)(၄) တစ်ဖက်သားအပေါ် စာနာထောက်ထားငဲ့ညာနိုင်စွမ်းရှိခြင်း (Compassion)(၅) တစ်ဖက်သား၏ကောင်းသောလုပ်ရပ်ကို ထုတ်ဖော်ချီးကျူးနိုင်စွမ်းရှိခြင်း (Praise)(၆) မှန်ကန်ကောင်းမွန်စွာ တွေးခေါ်စဉ်းစားနိုင်ခြင်း (Positive Thinking) ……………………… စသည့် အချက်အလက်များနှင့်ပြည့်စုံသူဖြစ်သည်။ ထိုသူသည် (EQ)ကို မိဘနှစ်ပါးထံမှ အမွေဆက်ခံရရှိနိုင်သည်။ နှလုံးရည်အဆင့်မြင့်သော မိဘများမှ ပေါက်ဖွားလာသူသည် အလိုအလျောက် နှလုံးရည်မြင့်သူဖြစ်လာပြီး နှလုံးရည်အဆင့်နိမ့်သောမိဘမှ ပေါက်ဖွားလာသူမှာ နှလုံးရည်အဆင့်နိမ့်သူသာ ဖြစ်နေတတ်သည်။သည်နေရာနှင် မိကောင်းဖခင်သားသမီးဆိုသည့်စကားရပ်၏ လေးနက်မှုကို သိမြင်နိုင်လိမ့်မည် ထင်ပါသည်။ မိဘကောင်းလျှင် သားသမီးကောင်းမည်၊ မိဘဆိုးလျှင် သားသမီးလည်းဆိုးမည်ဆိုသည့် အဓိပ္ပါယ်သဘောပင်ဖြစ်သည်။နှလုံးရည်အဆင့်ကို မိဘထံမှရသဖြင့် ဆိုးသောမိဘမှ ပေါက်ဖွားလာသောသူသည် သားစဉ်မြေးဆက်ဆိုးပြီး အောင်မြင်မှုမရ၊ ဘ၀ခရီးလမ်းတစ်လျှောက်လုံး နလံမထူနိုင်ဖြစ်နေလျှင် သဘာဝကြီးကို တရားပါ့မလားဟု မေးစရာပေါ်လာနိုင်ပါသည်။ထိုမေးခွန်းအတွက် အဖြေရှိပါသည်။ အဖြေက နှလုံးရည်အဆင့်အတန်းမြင့်မားလာစေရန် ပြုပြင်ယူ၍ရသည်ဆိုခြင်းပင်ဖြစ်၏။နှလုံးရည်အဆင့်ကို မိဘထံမှရသလို ဦးနှောက်ဉာဏ်ရည်အဆင့်မှာလည်း မိဘများထံမှ ထက်ဝက်ရကြောင်းတင်ပြလိုပါသေးသည်။ စိတ်ပညာရှင် ပါမောက္ခကြီး၏ သုတေသနပြုချက်အရ ဦးနှောက်ဉာဏ်ရည်အဆင့် ၅၀% မှာ မိဘများထံမှရရှိသည်။ ထိုသို့ရရှိခြင်းသည် အတိုးအလျော့မရှိ။ ပြောင်းလဲခြင်းမရှိပေ။ ကျန်သော ၅၀%ကို ပတ်ဝန်းကျင်နှင့် မိမိအား ထိန်းကျောင်းပြုပြင်ပေးသူ (ဆရာ၊ ဆရာမ)များထံမှရသည်။ ဦးနှောက်ဉာဏ်ရည်အဆင့်နိမ်သောပတ်ဝန်းကျင်တွင် နေထိုင်ကြီးပြင်းခဲ့သူ၊ ဉာဏ်ရည်အဆင့်နိမ့်သော ထိန်းကျောင်းပြုပြင်ပေးသူတို့လက်တွင် ကြီးပြင်းခဲ့သူသည် ကျန် ၅၀%မှာ အဆင့်နိမ့်တတ်သည်။ ကျွန်တော့်ဆိုလိုရင်းမှာ ပထမ ၅၀% (မိဘများထံမှရ)သည် ပြောင်းလဲမှု မရှိနိုင်သော်လည်း ကျန် ဒုတိယ ၅၀%သည် ပတ်ဝန်းကျင်နှင့်ပြုပြင်ထိန်းကျောင်းပေးသူများအပေါ် လိုက်ပြီး ဉာဏ်ရည်အနိမ့်အမြင့် ပြောင်းလဲမှုရှိတတ်ကြောင်းပင်ဖြစ်သည်။ဦးနှောက်ဉာဏ်ရည်အဆင့် နှလုံးရည်အဆင့်တို့တွင် နှလုံးရည်အဆင့်က အဓိကကျကြောင်း ကျွန်တော် တင်ပြခဲ့ပြီးဖြစ်သည်။ ကျွန်တော် ပြောဆိုခြင်းအပေါ် ဉာဏ်ရည်အဆင့်ရှိရန်မလိုဟု မယူဆ စေလိုပါ။ လူတစ်ယောက်သည် ဉာဏ်ရည်အဆင့်ကောင်းပြီး၊ နှလုံးရည်အဆင့်အတန်းပါကောင်းလျှင် ထိပ်ဆုံးရောက်ဖို့ သေချာပါသည်။ ဉာဏ်ရည်အဆင့်နိမ့်ပြီး နှလုံးရည်အဆင့်ကောင်းလျှင်လည်း ထိပ်ဆုံးသို့ ရောက်နိုင်ပါသည်။ ဦးနှောက်ဉာဏ်ရည်အဆင့်သာကောင်းပြီး နှလုံးရည်မကောင်းလျှင် အဆင့်အတန်းတစ်ခုကို ရရှိနိုင်သော်လည်း ထိပ်ဆုံးသို့ မရောက်နိုင်၊ ရွှေလက်ပိုင်ရှင်မဖြစ်နိုင်ပါ။နှလုံးရည်ကောင်းသော ရွှေလက်ပိုင်ရှင်ဖြစ်ရန် မိဘနှစ်ပါးက မပေးခဲ့လျှင် မိမိဘာသာ မိမိတည်ဆောက်ယူရပါမည်။ ထိုသို့တည်ဆောက်ရန် လိုအပ်သည့်အချက်များကို တင်ပြပါမည်။နှလုံးရည်အဆင့်ပြောင်းလဲရန်အတွက် …………….(၁) အခြေအနေကို မှန်မှန်ကန်ကန်အကဲဖြတ်ပါ။(၂) မှန်ကန်စွာသိခြင်းဖြင့် ဘ၀င်မြင့်ခြင်း၊ သိမ်ငယ်ခြင်းတို့ကို ရှောင်ရှားရမည်။ မိမိစိတ်ကို အစွန်းတစ်ဘက်သို့ မရောက်ပါစေနှင့်။(၃) စိတ်ခံစားချက်ကို ထိန်းချုပ်ပါ။ ၀မ်းနည်းလွယ်၊ ဒေါသဖြစ်လွယ် မရှိပါစေနှင့်။(၄) ပြဿနာတစ်ရပ်ကို ဖြေရှင်းရာတွင် ငြိမ်းချမ်းစိတ်မွေးပါ။ စိတ်ကိုတည်ငြိမ်အောင်ထားပါ။(၅) ကိုယ်ချင်းစာတရားရှိပါ။ အများ၏ ချစ်ခင်မှုရရှိစေရန် အပေးအယူမျှတစွာ နေတတ်အောင် ကြိုးစားလေ့ကျင့်ပါ။(၆) စည်းကမ်းသတ်မှတ်ပါ။ အလုပ်အကိုင် အကြံအစည်တစ်ခုကို ချက်ချင်းထလုပ်ပါ။ အချိန်ရွေှ့ဆိုင်းခြင်းမပြုဘဲ သတ်မှတ်ချိန်တွင် ပြီးစီးအောင်လုပ်ပါ။(၇) အပြုစိတ်ထားပါ။ အကောင်းဘက်က တွေးခေါ်စဉ်းစား အကောင်းမြင်စိတ်ထားပါ။(၈) တစ်ဖက်သားကို အဓိပ္ပါယ်ရှိစွာ ချီးကျူးပါ။(၉) သိက္ခာရှိခြင်း၏အဓိပ္ပါယ်ကိုသိပါ။ သိက္ခာရှိစွာနေထိုင်တတ်အောင် ကြိုးစားပါ။ဖော်ပြပါအချက်များအနက် သင့်တွင် ဘာတွေရှိပြီး ဘာတွေချို့ယွင်းနေသည်ကို ဝေဖန် အကဲဖြတ်ပါ။ ချွတ်ယွင်းချက်များပြည့်စုံလာအောင်ကြိုးစားပါ။ သင်သည် နှလုံးရည်အဆင့်ရှိသူ တစ်ယောက်ဘ၀သို့ ရောက်လာပါလိမ့်မည်။ သင်သည် ရွှေလက်ပိုင်ရှင်ဘ၀သို့ ရောက်လာနိုင်သလို သင်၏ သားစဉ်မြေးဆက်တို့လည်း ရွှေလက်ပိုင်ရှင်ဘ၀သို့ ရောက်အောင် အမွေပေးနိုင်ပါလိမ့်မည်။မိဘထံမှအမွေရသော နှလုံးရည်အဆင့်ကို မြင့်မားကြံ့ခိုင်လာစေရန် ကြိုးစားအားထုတ်ပြီး ပြုပြင် ပြောင်းလဲ၍ရသလို မိမိ၏အပြုအမူအနေအထိုင်ကြောင့် အမွေရထားသော နှလုံးရည်အဆင့် ပျက်စီးသွားနိုင်သည်ကိုလည်း သတိပြုစေချင်သည်။လူတစ်ယောက်ကို ကောင်းအောင်ပြုပြင်နိုင်သူသည် ထိုသူကိုယ်တိုင်ဖြစ်သလို ဆိုးအောင် တွန်းပို့နိုင်သူမှာလည်းထိုသူပင်ဖြစ်သည်။သင်သည် ဦးနှောက်ဉာဏ်ရည်အဆင့်နိမ့်သော်လည်း နှလုံးရည်အဆင့်မြင့်သူဖြစ်ခဲ့လျှင် သင့်ထံမှ အမွေမရနိုင်သော ဉာဏ်ရည်အဆင့်သို့ သားသမီးများ ရရှိနိုင်စေရန်ကောင်းသော ပတ်ဝန်းကျင်၌နေပါစေ။ ကောင်းသော ပြုပြင်ထိန်းသိမ်းသူနှင့် တွေ့ပါစေ။လူတစ်ယောက်အတွက် ဉာဏ်ရည်အဆင့်ရှိပြီး နှလုံးရည်အဆင့်ပါရှိလျှင် အကောင်းဆုံးဟု ကျွန်တော် ဆိုချင်ပါသည်။"ကောင်းထက်"၏ ရွှေခင်းလမ်းကိုလျှောက်မလား၊ ငွေခင်းလမ်းကိုလျှောက်မလား စာအုပ်မှ။

ဘ၀ထဲက လှေငယ်များ

တစ်ခါက လယ်သမားတစ်ဦးသည် အခြားရွာတစ်ရွာသို့ ခရီးထွက်ရန် အကြောင်းဖန်လာသည်။ သူသည် ထိုရွာသို့ ပထမဆုံးအကြိမ် သွားရောက်ခြင်းဖြစ်ပြီး ခရီးမှာ ခြေကျင်ခရီးဖြစ်သည်။ ထိုရွာသို့သွားရောက်ရန် တောအုပ်တစ်ခုကို သူဖြတ် ပြီးနောက် မြစ်တစင်းကို ထပ်ဖြတ်ရမည်ဖြစ်သည်။ မြစ်ကိုမဖြတ်ဘဲ ကွေ့ပတ်သွားမည်ဆိုပါက တောင်တစ်တောင်ကို ဖြတ်ရမည်ဖြစ်သည်။

ရေစီးသန်သော မြစ်ကို ဖြတ်မည်လော..? မတ်စောက်သော တောင်ကို ကျော်ဖြတ်ရမည်လော..? ဆုံးဖြတ်ရ ခက်နေချိန်တွင် အနီးရှိ သစ်ပင်တစ်ပင်ကို သူတွေ့မိသည်။ သူသည် ကိုယ်ပေါ်တွင် အသင့်ပါလာသော ပုဆိန်ဖြင့် သစ်ပင်ကို ခုတ်ပြီး အပေါ့စား လှေငယ်တစ်စီး ဖန်တီးလိုက်သည်။ မြစ်ကို ဖြတ်ဖို့ ဖြေရှင်းနိုင်ခဲ့သဖြင့် လယ်သမားမှာ ၀မ်းသာမိသည်။ လှေကို လှော်ပြီး တစ်ဖက်ကမ်းသို့ သူကူးခဲ့သည်။

ကမ်းပေါ်တက်ပြီးနောက် ခရီးဆက်ဖို့ သူပြင်ပြန်သည်။ သို့သော် အသုံးဝင်သော ထိုလှေငယ်ကို ထားခဲ့ရမှာ သူနှမြောမိသည်။ ခရီးရှေ့တစ်ထောက်တွင် မြစ်များ ချောင်းများတွေ့ခဲ့လျှင် လှေအသစ်တစ်စီးကို သူထပ်လုပ်ရ ဦးမည်။ ထို့ကြောင့် လှေကို လိုအပ်လျှင်သုံးရန် သူနှင့်တစ်ပါးထဲ ယူဆောင်လာခဲ့သည်။ လေးသောလှေကို ထမ်းထားရသောကြောင့် လယ်သမားမှာ မောပန်းပြီး ခရီးမသွင်ခဲ့ချေ။ ခရီးဆက်ရင်း နားရင်း တစ်ခါတစ်ရံ ထိုလှေကို စွန့်ပစ်ခဲ့ဖို့ သူ စဉ်းစားမိသည်။

သို့သော် ရှေ့တွင် မြစ်တစ်စင်းရှိခဲ့သော်..? ထမ်းလာရသည်မှာ ခရီးတစ်ဝက်ပင် ကျိုးနေပြီဖြစ်သောကြောင့် စွန့်ခဲ့ရမှာလဲ နှမြောမိပြန်သည်။ နေထွက်မှ နေ၀င် ထိုလှေကို ထမ်းပြီး ခရီးဆက်ခဲ့ပြန်သည်။ လမ်းခရီးတစ်လျောက်တွင် မြစ်ချောင်းများ ခြားထားခြင်း မရှိတော့ဘဲ ဖြောင့်ဖြောင့် ဖြူးဖြူးဖြင့် လိုရာခရီးသို့ ရောက်သွားခဲ့သည်။ သို့သော် လိုအပ်သော အချိန်ထက် သုံးဆကုန်ပြီးမှ ရောက်ခဲ့ရသည်။

မိမိဘ၀လမ်းခရီးသည် ဖြောင့်ဖြူးမည်၊ ကွေ့ကောက်မည်၊ ချိုင့်ဝှမ်းပေါမည်၊ ရေစီးသန်သော မြစ်ချောင်းများ ခံနေမည်၊ မတ်စောက်သော တောင်များ ကာဆီးနေမည်ဟု မည်သူမျှ မခန့်မှန်းနိုင်ခဲ့ပါ။ သို့သော် ထိုလမ်းခရီးကို ပေါ့ပေါ့ပါးပါး ပျော်ပျော်ရွှင်ရွှင်လျောက် မည်လော..? လေးသောလှေကို ထမ်းပြီးလျောက်မည်လော...? လူတိုင်း တွင် “ရွေးချယ်” ပိုင်ခွင့်များရှိသေးသည်။

အချို့က အိုးအိမ်ကိုစွန့် မိသားစုကိုစွန့်ပြီး “နာမည်” နှင့် “ဂုဏ်ပကာဓန” နောက်လိုက်ကြသည်။ ထိုသူများသည် လှေအစီးပေါင်းများစွာကို ထမ်းထားသော လူနှင့်တူသည်။ ထိုအရာများကို စွန့်ခဲ့သော် ဘ၀လမ်းကို လျှောက်လှမ်းရာတွင် ပျော်ရွှင်ပေါ့ပါးနေမည်ဖြစ်သည်။

ထို့အတူ လူတိုင်းတွင် ဖြစ်တတ်သော စိတ်ခံစားချက်များသည်လည်း “လှေတစ်စီး”နှင့် တူနေသည်။ ထိုအရာများကို “ကန့်သတ်”မှုအဖြင့် အမြဲတမ်း ထမ်းပိုးထားရန် မသင့်ပေ။ ထိုအရာများမှာ “ရန်ငြိုး၊ မနာလို မုန်းတီးခြင်း၊ ဒေါသ” စသော လှေများဖြစ်သည်။ မိမိဘ၀လမ်းခရီးတွင် ထိုလှေများကို စွန့်ပစ်တတ်ခဲ့လျှင် ရှေ့ဆက်ရမည့် လမ်းကို လေချွန်ပြီး ပေါ့ပေါ့ပါးပါးနှင့် လျှောက်လှမ်းနိုင်မည် ဖြစ်သည်။


ရေးသူနာမည်မပါ အင်တာနက်ပေါ်တွင် ဖတ်မိသော စာတစ်ပုဒ်ဖြစ်သည်။

နိုင်းနိုင်းစနေ ဘာသာပြန်သည်။
original post from : http://www.youthwant.com.tw