အရှုံးမရှိသောဘဝ

လူတိုင်း လူတိုင်းမှာ အိပ်မက် သို့မဟုတ် မေ့ပျောက်လို့မရတဲ့ အဖြစ်အပျက်ဆိုတာ ရှိကြသည်။ ကျွန်တော်လည်း ဟိုး ငယ်ငယ်လေးကတည်းက မေ့ပျောက်လို့ မရတဲ့ အဖြစ်အပျက်လေးတစ်ခု ရှိခဲ့လေသည်။ အဲဒီ အဖြစ်အပျက်က ကျွန်တော့်ဘ၀ရဲ့ အတိတ်ကို ပြန်တွေးတိုင်း တရေးရေး ပြန်ပေါ်နေလေသည်။ ကျွန်တော့်ဘ၀ရဲ့ တွေ့ကြုံဖြစ်ပျက် လာခဲ့သမျှ အဓိပ္ပါယ် ရှိချင်သည်။ ဘ၀ရဲ့ အတွေ့အကြုံတွေ ထဲက သင်္ခန်းစာတစ်ခု ကျွန်တော်လိုချင်နေခဲ့သည်။ ကျွန်တော် မြွေဖမ်းဘူးတယ်၊ ဂျီဖမ်းဘူးတယ်၊ တောဝက်ထောင်ဘူးတယ်။ မြွေက ဘယ်နေရာမှာ ဖမ်းဘူးသလဲ ဆိုတော့ ကျွန်တော်တို့ရွာက တောင်ခြေရင်း မှာပါ။ တောင်တန်းရှည် နှစ်လုံး၊ သုံးလုံးက ကျွန်တော်တို့ရွာရဲ့ အရှေ့ဘက်ခြမ်းမှာ တည်ရှိပါသည်။ နွေရာသီ ကျောင်းပိတ်လို့ ရှိရင် တောင်ပေါ်ခြံထဲကို တစ်ပတ်ကို သုံးလေးခေါက်လောက် သွားရသည်။ ရာဘာပင်တွေဆီကို ခြုံတွေရှင်းသွားရသည်။ မနက် ၈ နာရီထိုးလောက် ထမင်းကြမ်းစားပြီး တောင်ပေါ်ကို အစုလိုက်အပြုံလိုက် တစ်ယောက်ကို ဓားတစ်လက်နဲ့ ပုဆိုးကွင်းသိုင်းလေးနဲ့ပါ။ တောင်ပေါ်ခြံတွေကို ရောက်လို့ ရွာဘက်ကို လှမ်းကြည့်လိုက်ရင် လယ်ကွင်းတွေက မျက်စေ့တစ်ဆုံးပါပဲ။

တောင်ထိပ်က ခြံကိုရောက်တာနဲ့ ခြုံတွေကို စခုတ်ကြတော့တာပဲ။ တစ်ယောက်နဲ့ တစ်ယောက် အသံတွေ ဘာတွေပေး စကြပြောင်ကြရင်းနဲ့ပေါ့။ ခြုံတွေထဲက မီးစိုက်လို့ရတဲ့ ဟာတွေကို ရွာပြန်ရင် ထမ်းဆင်းသွားကြတာပါ။ နေ့လယ် ၁၁ နာရီလောက်ဆိုရင် အိမ်ပြန်ကြလေသည်။ စမ်းချောင်းတစ်ခုကို ရောက်တော့ ပါလာတဲ့ ထင်းစည်းတွေကိုချ၊ ငါးမိနစ်လောက် အနားယူ အပမ်းဖြေပေါ့။ တစ်ချို့က မျက်နှာတွေ ဘာတွေသစ်၊ တစ်ချို့က ရေတွေချိုး။ ခုံပေါက် ဆော့ကစားကြ ပါတော့သည်။ ဆော့ကစားကြ၊ ရေကူးကြ၊ ဒိုင်ပင်ထိုးကြ အဲလိုနဲ့ မြွေကြီးတစ်ကောင်က စမ်းချောင်းရဲ့ တစ်ဖက်ကမ်းကို ဖြတ်သွားနေသည်ကို အားလုံး မြင်တွေ့ကြလေတော့သည်။ ဟာ ဟိုမှာ မြွေကြီး မြွေကြီး.. အဲဒီမြွေက အဆိပ် မရှိဘူးတဲ့။ တစ်ယောက်က လင်းမြွေတဲ့။ တစ်ယောက်က စပါးကြီးတဲ့။ တစ်ယောက်က စပါးအုံးတဲ့။ အဲဒါနဲ့ ကျွန်တော်က ပြေးသွားပြီး သွားဖမ်းတာ. အမြီးကိုတော့ မိပါရဲ့ မြွေက တအားရုန်းတော့ ဆွဲလို့တောင် မနိုင်ဘူး။ အဲဒါနဲ့ လွတ်သွားပါလေတော့သည်။ မြွေကပဲ အကောင်ကြီးတာလား၊ လူကပဲ အကောင်သေးတာလား မြွေအားနဲ့ လူအား မမျှတာပဲ ဖြစ်မှာပါ။ စွန်းစားခန်းတွေ မို့လို့ အခုအချိန်အထိ အမှတ်ရနေဆဲ။

ဂျီဖမ်းတာလည်း ဒီလိုပါပဲ။ ဒီတစ်ခါကျတော့ သစ်သီးတွေ လိုက်ခူးစားရင်းနဲ့ တောင်ပေါ်ခြံတွေမှာ စုံဘရပ်သီး၊ ငှက်ပျောသီး၊ သစ်သိုသီး၊ မရမ်းသီး၊ ဆိတ်ချေးသီး၊ ကနစိုးသီး၊ သရက်သီး၊ ဆောင်းရာသီနဲ့ နွေရာသီဆိုရင် သစ်သီးတွေက စုံတယ်။ တစ်ခြံဝင် တစ်ခြံထွက် လိုက်တိုးသွားရတာ၊ တိုးရင်း ဆင်းရင်းနဲ့ ဂူရှိတဲ့နေရာကို ရောက်သွားသည်။ တောကြက်တစ်ကောင်က ဖျတ်ဖျတ် ဖျတ်ဖျတ်နဲ့ ပျံသွားတဲ့ အသံကိုကြားတော့ ကျွန်တော်က ဘာသံလဲကွာ၊ လိုက်ပတ်ကြည့်တာ ဂျီတစ်ကောင်က အိပ်ယာထ ခေါင်းထောင်ပြီး ဟိုကြည့် ဒီကြည့် ဖြစ်နေတယ်။ အဲဒါနဲ့ သူငယ်ချင်းတွေကို လှမ်းခေါ်ဖို့ ဆိုတာလည်း အသံကြားသွားလို့လည်း မဖြစ်၊ အို ဘာဖြစ်ဖြစ် ဆိုပြီး စိတ်ထဲကတော့ ခြေထောက်ဖြစ်ဖြစ်၊ အမြီးဖြစ်ဖြစ် ဆွဲထားမယ်ပေါ့။ ပြီးရင် တစ်ယောက်ယောက်ကို လှမ်းခေါ်မယ်ပေါ့။ အဲဒါနဲ့ အနောက်ကနေ အသာလေးသွားပြီး၊ အမြီးကိုဆွဲတာ ဂျီက ထခုန်ပြီး လွှားခနဲဆို လွတ်သွားပါလေရော။ ဟာ မိသာ မိသွားရင်တော့ ပျော်စရာကြီးကွာ၊ မောတာပဲ အဖတ်တင်တယ်၊ မမိခဲ့ပြန်ပါဘူး။

တောဝက်ကျတော့ မလေးရှား စရောက်တုန်းက ဆောက်လုပ်ရေး အလုပ် စလုပ်ရပါတယ်။ ဆောက်လုပ်ရေးတွေက တောတွေ တောင်တွေနား မှာပါ။ မလေးရှားမှာက တောစပ်၊ တောင်စပ်တွေ နားမှာတောင်မှ တောဝက်၊ မျောက်၊ ဖွတ်တွေ၊ တောကြက်တွေက အရမ်း ပေါမှပေါ။ ဆောက်လုပ်ရေး ဆိုတော့ မနက် ၇ နာရီထိုးလောက် အိပ်ယာထ၊ ပြီးရင် ရေမိုးချိုး၊ ထမင်း ချက်ပြုတ်၊ အလွယ်တကူ အလျင်အမြန် ချက်ပြုတ် စားသောက်ရတယ် ဆိုတော့ တစ်ခါလာလည်း ကြက်ဥကြော် တစ်ခါလာလည်း ကြက်ဥဟင်း၊ တစ်ခါလာလည်း ကြက်ဥနဲ့ ပဲနဲ့၊ ကြာလာတော့ ကြက်ရုပ် ပေါက်တော့မယ် ဆိုပြီး ငြီးငွေ့လာတယ်။ ဈေးဆိုင်ကလည်း နှစ်မိုင်လောက် ဝေးတယ် ဆိုတော့ အသွား အပြန်နဲ့တင် အလုပ်ဆင်းရတော့မှာ မဟုတ်ဘူး။ အင်ဒိုနီးရှား လူမျိုးတွေက အစား အသောက် ကောင်းကောင်း စားရတယ်။ သူတို့တွေက တောထဲသွားပြီး အမဲလိုက် ထွက်ကြတာလေဗျာ။ နေ့တိုင်းတော့ တောဝက်တို့၊ ဂျီတို့ ရတယ်။ ကျွန်တော်တို့ကလည်း သူတို့ကို အားကျပြီးတော့ ကျားဖမ်းမယ်၊ ဆင်ဖမ်းမယ်၊ တောဝက်ထောင်မယ် ဆိုပြီး၊ ညနေပိုင်း အလုပ်ပြီးတာနဲ့ တောထဲသွားပြီး တောဝက် သွားထောင်လိုက်တယ်။ အဲဒါနဲ့ တစ်နေ့ သွားကြည့်လည်း မမိ၊ နှစ်နေ့ သွားကြည့်လည်း မမိ၊ တစ်ပတ်လောက် သွားကြည့်လည်း မမိဆိုတော့ ရရာနဲ့ပဲ ကြက်ဥနဲ့ပဲ နှစ်ပါးသွားရ ပါတော့တယ်။ အင်ဒိုနီးရှား လူမျိုးတွေက ကျွန်တော်တို့ကို ကြည့်ပြီး သနားတယ်နဲ့ တူပါတယ်။ သူတို့ သထာလို့ပေးတဲ့ ၀က်ခေါင်း၊ ၀က်ခြေထောက်ကိုပဲ စွပ်ပြုတ်လုပ်ပြီး စားရပါတော့တယ်။

ငှက်ကျတော့လည်း ဟိုး ငယ်ငယ်လေး တုန်းကပါ။ နွေရာသီဆိုတော့ ဇီးသီးတွေ လိုက်ခူးစားရင်း လယ်ထဲဆင်းပြီး ငှက်လိုက်ပစ်တာ တစ်ခါတော့ ရေကန်ကြီး တစ်ကန်နားကို ရောက်သွားတယ်။ အဲဒီ ရေကန်ကြီး နားမှာက ထန်းပင်ကြီးတွေက ကန်ပေါင် ပတ်ပတ်လည်း ၀ိုင်းနေတာပဲ။ ထန်းပင်တွေရဲ့ ကြားမှာ သနပ်ပင်ကြီး တစ်ပင်ရှိသည်။ သနပ်ပင်ရဲ့ ခွကြားမှာ ဂျိုးတစ်ကောင် နားနေတာ မြင်တော့ အသာလေး လောက်စာသီးကို သေချာရွေး၊ လေးခွကို သေချာကိုင်၊ လူကို ထန်းပင်နဲ့ကွယ်၊ နွေရာသီဆိုတော့ နေလည်းပူ၊ လေပွေတွေကလည်း တိုက်၊ လေးခွကို သေချာချိန်ပြီး ပစ်လိုက်တယ်။ ကန်ရဲ့ ဟိုဘက်ခြမ်းနဲ့ ဒီဘက်ခြမ်းဆိုတော့ နည်းနည်းတော့ လှမ်းတာပေါ့။ သေချာချိန်ပြီး ပစ်လိုက်တော့ လောက်စာလုံးက ကန်လည်လည်း ရောက်သွားရော ငှက်က သူနားနေတဲ့ အကိုင်းခွကြားက ငှက်တစ်ကိုယ်စာ ခွကြားကနေ ထပျံသွားပါလေရော။ ပစ်လိုက်တဲ့ လောက်စာလုံးကလည်း ငှက်နားနေတဲ့ တစ်ကိုယ်စာလောက်ပဲ ရှိတဲ့ ခွကြားကို သွားမှန်တယ်။ ကလေး စိတ်ဆိုတော့ မကျေနပ်မှုတွေ ဖြစ်လာတယ်။ ကိုယ်က လေးခွကို ကိုင်ပြီး မပစ်လိုက်သေးတဲ့ အချိန်မှာ ငှက်က ပျံသွားတာ တစ်မျိုး၊ ကိုယ်က ပစ်လိုက်လို့ ငှက်နားနေတဲ့ တစ်ကိုယ်စာ နေရာကို မမှန်ဘဲ တခြားနေရာကို သွားမှန်တာက တစ်မျိုးပေါ့။ အခုဟာက ပစ်လိုက်လို့ လောက်စာသီးက ငှက်နားရောက်မှ ငှက်က ထပျံသွားတယ် ဆိုတော့ ကလေးစိတ်နဲ့ ဆိုတော့စဉ်းစားပြီး အတွေးတွေနယ်ချဲ့ နေလေတယ်။ အော် ငှက် ငှက် နင်ကံကောင်းသွားတာလား၊ ဒါမှမဟုတ် လေတွေကပဲ အရမ်းတိုက်နေလို့လား၊ ဒါမှမဟုတ် ငှက် ငါ့ကို တွေ့သွားတာလား၊ အော် ငှက် ပျံသန်းသွားနိုင်တဲ့ အတောင်ပံတွေရှိလို့ပေါ့၊ ဒါမှမဟုတ် ငှက်မှာ မျက်စေ့ပါလို့ သူ့အန္တရာယ်တွေကို သူ မြင်တွေ့သွားတာလား၊ ဒါမှမဟုတ်၊ ငှက်မှာ မျက်စေ့ရှိလို့ နားရှိလို့၊ အတောင်ပံရှိလို့ ခြေထောက်ရှိလို့၊ ငှက်တစ်ကောင်ရဲ့ အင်္ဂါအားလုံး ပြည့်စုံလို့ သူ့အန္တရာယ်ကနေ သူ လွတ်မြောက်သွား တာလား။ ဒါမှမဟုတ် ငှက်မှာ မပျံသန်းနိုင်လောက်တဲ့ အနာတွေ၊ ဒဏ်ရာတွေ ရှိနေမယ် ဆိုရင်ကော၊ ဒါမှမဟုတ် ငါကပဲ ညံ့တာလား၊ အဲဒီအချိန်က ကလေးတစ်ယောက် ဆိုတော့ တွေးချင်တာတွေ လိုက်တွေး နေတော့တာလေ။

အခုလို ကြီးလာမှ လောကဓံ မုန်တိုင်းတွေ အကြိမ်ပေါင်းများစွာ ရင်ဆိုင်လာရတော့ အဲဒီ အဖြစ်အပျက်လေးကို သွား သတိရမိသည်။ လေမုန်တိုင်းတွေရဲ့ အန္တရာယ်၊ လူတွေရဲ့ အန္တရာယ်တွေကို ကာကွယ်ဖို့ ငှက်တွေက အသက် တစ်ချောင်းကိုသာ ဘေးမသီ ရန်မခ ကာကွယ်ဖို့ ငှက်တွေမှာ မျက်စေ့ရှိတယ်၊ နားရှိတယ်၊ ငှက်တွေရဲ့ အင်္ဂါ ပြည့်စုံတယ် ဆိုရင်ပဲ သူတို့ရဲ့ အသက် အန္တရာယ်တွေကို သူတို့ ကာကွယ်နိုင်ကြ တယ်လေ။ လေမုန်တိုင်းတွေက ဘယ်လောက် ကြမ်းကြမ်း၊ လူတွေရဲ့ အန္တရာယ်တွေက ဘယ်လောက် များများ၊ သူတို့ အစာ မငတ်ကြပါဘူး။ လောဘတွေ၊ ဒေါသတွေ၊ မောဟတွေ ငှက်တွေမှာလည်း ရှိနေကြတာလား။ ငှက်တစ်ကောင်မှာ ငါဟာ ငှက်တစ်ကောင် ပီသတယ် ဆိုတဲ့ အတ္တတွေ၊ မာန်မာနတွေ၊ ယှဉ်ပြိုင်မှုတွေက ငှက်တွေမှာကော ရှိနေကြတာလား၊ ဘာပဲဖြစ်ဖြစ် ငှက်တွေမှာလည်း လောဘတွေ၊ ဒေါသတွေ၊ မောဟတွေ၊ အတ္တတွေ၊ မာန်မာနတွေ၊ ယှဉ်ပြိုင်မှုတွေ ရှိနေရင်တော့ ငှက်တွေမှာလည်း အထိုက်အလျောက် အန္တရာယ်တွေ ရှိလိမ့်မယ်လို့ ထင်မိသည်။ ဒါပေမယ့် ငှက်တွေမှာ အသိတရား မရှိဘူး၊ ဉာဏ်ပညာ မရှိဘဲနဲ့ သူတို့ရဲ့ အသက်ကို သူတို့ ဘာတွေနဲ့ ကာကွယ်ခဲ့ကြသလဲ။ ငှက်တွေဟာ ခန္ဓာကိုယ် အင်္ဂါ ပြီးပြည့်စုံတယ် ဆိုရင်ပဲ သူတို့ လိုရာခရီးကို သူတို့ ပျံသန်းသွားနိုင်ကြတယ်။ ကျွန်တော်တို့ရဲ့ ဘ၀မှာရော ကျွန်တော်တို့ရဲ့ လိုရာခရီးက ဘယ်လဲ၊ ဘယ်အထိလဲ၊ ဘယ်မှာ ဆုံးမလဲဆိုတာ ကျွန်တော့်ကိုယ် ကျွန်တော် ပြန်မေးကြည့်မိသည်။ ကျွန်တော်တို့ရဲ့ လိုရာခရီးက ကျွန်တော်တို့ရဲ့ လောဘတွေ၊ ဒေါသတွေ၊ မောဟတွေ၊ လိုအင်ဆန္ဒ တွေကြောင့်သာ အန္တရာယ်တွေ များတာပါ။ ကျွန်တော်တို့ရဲ့ လိုအင်ဆန္ဒတွေကြောင့် မဆုံးတဲ့ ခရီးရှည်ကို ကျွန်တော်တို့ ပျံသန်းနေခြင်းသာ ဖြစ်သည်။ အဲလောက်ထိ အန္တရာယ်တွေကြားက မမောမပန်းဘဲ တိုက်ခိုက်လာရတဲ့ အရာတစ်ခုဟာ လောကကြီးကို အကျိုးမပြုနိုင်ဘူး၊ မိဘ မောင်နှမတွေကို အကျိုး မပြုနိုင်ဘူး။ ကျွန်တော်တို့ရဲ့ လိုအင်ဆန္ဒ တစ်ခုတည်းအတွက်သာ ဆိုရင် ကျွန်တော်တို့ မောပန်းခြင်းသာ အဖတ်တင်ပေလိမ့်မည်။

ဘယ်လို အကျိုးဖြစ်ဖြစ် ကျွန်တော်တို့ ကောင်းကျိုး တစ်ခုခုပြုဖို့သာ ကျွန်တော်တို့ ပျံသန်းရခြင်းသည် အဓိပ္ပါယ် ရှိလိမ့်မည်။ ကျွန်တော်တို့ ကောင်းကျိုး တစ်ခုခု ပြုနိုင်ဖို့၊ ကျွန်တော်တို့ ပန်းတိုင်ကို ရောက်ဖို့၊ ကျွန်တော်တို့ လိုရာခရီးကို ပျံသန်းဖို့ ကျွန်တော် အသက်တစ်ချောင်းသာ လိုသည်။ ကျွန်တော် ကိုယ်လက်အင်္ဂါ ပြည့်စုံတယ် ဆိုရင်ပဲ ကျွန်တော်ဟာ ကံကောင်းတယ် လို့ပဲ မှတ်ယူသည်။ တစ်ချို့သော သူတွေဟာ လောကဓံရဲ့ အဆိုး အကောင်းတွေနဲ့ နဖူးတွေ့၊ ဒူးတွေ့ တွေ့ကြုံ ရင်ဆိုင်လာရရင် ကံကြမ္မာကို ယိုးမယ်ဖွဲ့ အပြစ်တင် ပြောဆိုတတ်ကြသည်။ တကယ်တမ်းတော့ ကျွန်တော်တို့ဟာ အသက်တစ်ချောင်းကို ပိုင်ဆိုင်ထားပြီး ကိုယ်လက်အင်္ဂါ ပြီးပြည့်စုံတယ် ဆိုရင်ပဲ ကံကောင်းနေတဲ့ လူတွေချည်းပဲ ဆိုတာ ကျွန်တော် မြင်ယောင်လာမိသည်။ တစ်ခါတစ်ရံမှာ ကျွန်တော်တို့ဟာ ဘာကောင်းကျိုး တစ်ခုခုမှ မပြုရသေးလို့၊ မပြုနိုင်သေးလို့ ငါ လောကကြီးမှာ ဘာမှ မပိုင်ဆိုင်သေးရပါလား၊ ငါလိုချင်တာ ဘာမှ မရသေးပါလား၊ မပြည့်စုံသေး ပါလားလို့ တွေးပြီး အားငယ်တတ်ကြသည်။ ကျွန်တော်တို့ရဲ့ လိုအင် ဆန္ဒတွေက များနေလို့သာ ကျွန်တော်တို့ လက်ရှိပိုင်ဆိုင်ထားရတဲ့ အရာတွေကို သတိ မထားမိတတ်ကြတာပါ။ ဘွဲ့တွေ၊ ရာထူးတွေ၊ ငွေတွေ၊ ပစ္စည်းဥစ္စာတွေကို ပိုင်ဆိုင်ထားတဲ့ လူတစ်ယောက်ဟာ မေတ္တာ၊ ကရုဏာ၊ စေတနာတွေကို မပိုင်ဆိုင်ထားဘူး ဆိုရင်ကော၊ မေတ္တာ၊ ကရုဏာ၊ စေတနာတွေရဲ့ တန်ဖိုးကို နားမလည်ထားဘူး ဆိုရင်ကော၊ မေတ္တာ၊ စေတနာ၊ ကရုဏာတွေ သူ့စိတ်ထဲမှာ မရှိဘူး ဆိုရင်ကော၊ ဘာဘွဲ့၊ ဘာရာထူး၊ ဘာငွေ၊ ဘာပစ္စည်း ဥစ္စာ တစ်ခုမှ မပိုင်ဆိုင် ထားရတဲ့ လူတစ်ယောက်မှာ မေတ္တာ၊ ကရုဏာ၊ စေတနာတွေကို သူ့စိတ်ထဲ၊ သူ့နှလုံးသားထဲ၊ သူ့အသိတရားထဲမှာ ရှိတယ်ဆိုရင်ကော၊ သူပိုင်ဆိုင်ထားရတဲ့ အရာတွေဟာ နည်းမှ မနည်းပဲ။

မေတ္တာ၊ ကရုဏာ၊ စေတနာတွေဟာ ငွေရှိမှ ဖန်တီး လုပ်ယူလို့ရတဲ့ အရာတွေမှ မဟုတ်တာ၊ ကျွန်တော်တို့ မိတကွဲ၊ ဖတကွဲ မွေးရပ်မြေကို ခွဲခွါပြီး သူများ တိုင်းပြည်မှာ အလုပ် လာလုပ်ကြတဲ့ သူတွေပါ။ ကျွန်တော်တို့ တစ်ယောက်အပေါ် တစ်ယောက် မေတ္တာ၊ ကရုဏာ၊ စေတနာတွေ ထားမယ် ဆိုရင်ကော၊ ဒီ့ထက်မက ကူညီမယ်၊ တိုင်ပင်မယ်၊ ဆွေးနွေးမယ်၊ ခွင့်လွှတ်မယ်၊ သည်းခံမယ်၊ သဘောထား ကြီးကြမယ် ဆိုရင် ကျွန်တော်တို့ဟာ တစ်ယောက်အပေါ် တစ်ယောက် ဘယ်လောက်အထိ အကျိုးပြုနေသလဲ ဆိုတာ နားလည်လာလိမ့်မယ်ဟု ထင်မိသည်။ မေတ္တာ၊ ကရုဏာ၊ စေတနာတွေဟာ နက်ရှိုင်းတယ်။ ထပ်တွေးမယ် ဆိုရင် ကမ္ဘာပေါ်မှာ ရှိနေတဲ့ နိုင်ငံတွေကို အုပ်ချုပ်နေတဲ့ လူတွေတိုင်းမှာ မေတ္တာ၊ ကရုဏာ၊ စေတနာတွေ သူတို့တွေတိုင်းမှာ ရှိကြမယ် ဆိုရင် ဒီကမ္ဘာပေါ်မှာ ဆင်းရဲပြီး မတိုးတက်တဲ့ နိုင်ငံဆိုတာ ရှိနိုင်ပါ့မလား၊ ငတ်ပြတ် မွဲတေနေတဲ့ သူတွေကော ရှိနိုင်ပါ့မလားလို့ ကျွန်တော် တွေးထင်မိရင် မှားသွားလေမလား။ လောကကြီးမှာ အသက်ရှင် ရပ်တည်နေတယ်၊ ကိုယ်လက်အင်္ဂါ ပြီးပြည့်စုံတယ်၊ မေတ္တာ၊ ကရုဏာ၊ စေတနာတွေကို ပိုင်ဆိုင်ထားရတယ် ဆိုရင် လောကကြီးမှာ ကျွန်တော်တို့ ဘာများ လိုနေသေးလို့လဲ။ ကျွန်တော်တို့ရဲ့ လောဘတွေ၊ ဒေါသတွေ၊ မောဟတွေကြောင့်၊ ကျွန်တော်တို့ရဲ့ လိုအင်ဆန္ဒတွေကြောင့် ကျွန်တော်တို့ ခံစား ကြေကွဲနေကြရတယ်။ မေတ္တာ၊ ကရုဏာ၊ စေတနာတွေ ခေါင်းပါးလာတာနဲ့ အတူ၊ ကမ္ဘာကြီးက ပူနွေးလာတာနဲ့ အတူ၊ လူတွေရဲ့ လောဘ၊ ဒေါသ၊ မောဟတွေ များလာတာနဲ့ အတူ၊ ကိုယ်ကျင့်တရား အကျင့်စာရိတ္တ ပျက်ပြားလာတာနဲ့ အတူ၊ ကမ္ဘာလောကကြီးတစ်ခုလုံး ကပ်တွေ ဆိုက်လာတယ်။ ဘေးဆိုး၊ အန္တရာယ် ဆိုးတွေကို ရင်ဆိုင်လာရတယ်။ တွေ့ကြုံ ခံစားလာကြ ရတယ်။ ငလျင်ဒဏ်၊ လေမုန်တိုင်း ဒဏ်တွေကြောင့် မိဘမဲ့ ကလေးတွေ မက တစ်ဆွေ တစ်မျိုးလုံးပျောက်၊ ရွာလုံးပျောက်၊ မြို့လုံးပျောက် သေကြေ ပျက်စီးကြရတဲ့ ဘ၀တွေနဲ့ နှိုင်းယှဉ်ကြည့်ရင် ကျွန်တော်တို့ရဲ့ ဘ၀တွေဟာ ဘာများ ကြေကွဲစရာတွေ ရှိလို့လဲ။ ဒီလို ဘေးဆိုးတွေကနေ လွတ်နေလို့၊ ကပ်ဆိုး ဘေးဆိုးတွေကို ကျွန်တော်တို့ ရင်မဆိုင်ရလို့၊ မတွေ့ကြုံရလို့ အကယ်၍ ဒီလို အန္တရာယ်မျိုးတွေ ကျွန်တော်တို့အပေါ် ကျရောက်လာမယ် ဆိုရင် ကျွန်တော်တို့ အသက်တစ်ချောင်းသာ တောင့်တ လိုချင်တော့မှာပါ။

လူ့ဘ၀တစ်ခုကို ရလာပြီး လောကကြီးမှာ ဘာကြောင့်များ လောဘ၊ ဒေါသ၊ မောဟတွေ၊ ယှဉ်ပြိုင်မှုတွေ၊ မနာလို ၀န်တို အငြှိုးအတေး မာန်မာနတွေနဲ့ မစည်းလုံး မညီညာဘဲ ကိုယ့်ရဲ့လိုအင် ဆန္ဒတွေနဲ့ အတ္တတွေကို ဘာ့ကြောင့် ရှေ့တန်း တင်နေကြရတာလဲ ဆိုတာ စဉ်းစားလို့တောင် မရနိုင်ပါလား။ တကယ်တမ်းတော့ ကျွန်တော်တို့ဟာ သုတ၊ သီတင်း၊ ဗွီဒီယိုတွေကို ကြည့်ပြီး ဗဟုသုတ၊ အသိတရားတွေတော့ တိုးလာပါရဲ့၊ လောကကြီးမှာ အကောင်းအဆိုး ဒွန်တွဲနေသလို ပါပဲ၊ အကောင်းတွေ ရောက်လာသလို၊ အဆိုးတွေလည်း မတွေ့ မမြင်နိုင်တဲ့ အနောက်ကနေ အရိပ်လိုပဲ လိုက်လာပါတယ်။ တရားစာအုပ်ကို ဖတ်နေချိန်က ခံစားမှုက တစ်မျိုး၊ အင်တာနက် ပေါ်က ထွေရာလေးပါး စာတွေကို ဖတ်နေချိန်က ခံစားမှုက တစ်မျိုး၊ ကိုယ်မကြိုက် မနှစ်သက်တဲ့ အကြောင်းအရာတွေ၊ အမြင် မတူတာတွေ မြင်တွေ့ရတဲ့ အချိန်တွေမှာ စိတ်ရော နှုတ်ပါ မတည်ငြိမ်တာတွေ ဖြစ်လာတယ်။ ပြီးတော့ အပြစ်တင် ရှုတ်ချရတဲ့ အကြောင်းအရာတွေ ဆိုရင် ထင်းကနဲ ထင်းကနဲ ပေါက်ကွဲချင်စိတ်တွေ ပေါ်လာတယ်။ အမှန်တကယ်တော့ ဒီ အကြောင်းအရာတွေဟာ တစ်ချို့သော အကြောင်းအရာတွေဟာ ကျွန်တော်တို့နဲ့ ဘာမှ မဆိုင်ဘူး လို့လည်း ပြောလို့ရတယ်၊ သက်ဆိုင်ပါတယ် ဆိုတာတောင်မှ ဘာမှ မပြောပလောက် ပါဘူး။ သက်ဆိုင်ပါတယ်လို့ ဆိုခဲ့ရင်တောင် ကျွန်တော်တို့ ဘာမှ လုပ်ပေးလို့ မရတဲ့ အကြောင်းအရာတွေ အများကြီး ရှိတယ်။ အဲဒီတော့ လုပ်ပေးလို့ မနိုင်၊ လုပ်ပေးလို့ မရတဲ့ အကြောင်း အရာတွေ၊ ဘယ်လောက်မှ မသက်ဆိုင်တဲ့ အကြောင်းအရာတွေကို ကျွန်တော်တို့ရဲ့ စိတ်တွေထဲမှာ တိုးဝင် မွှေနှောက်နေလို့ ကျွန်တော်တို့ သောကတွေ၊ ဒေါသတွေ ပိုများလာရ ရှာတယ်၊ အမှန်တကယ်တော့ ကျွန်တော်တို့နဲ့ မသက်ဆိုင်တဲ့ အကြောင်းအရာ ကျွန်တော်တို့ မလုပ်ပေးနိုင်တဲ့ အလုပ်နဲ့ ကျွန်တော်တို့နဲ့ အမှန်တကယ် အစစ်အမှန် သက်ဆိုင်တဲ့ အကြောင်းအရာ၊ ကျွန်တော်တို့ အမှန်တကယ် လုပ်ရမယ့်အလုပ်၊ လုပ်နိုင်တဲ့ အလုပ်၊ လုပ်ကို လုပ်ရမယ့် အလုပ်ကိုပဲ လုပ်မယ်၊ စဉ်းစားမယ်၊ စိတ်ထဲ ထည့်မယ်၊ ခေါင်းထဲ ထည့်မယ်၊ အဲဒီလို မစစ်မှန်တဲ့ အကြောင်းအရာ မစစ်မှန်တဲ့ အလုပ်နဲ့ စစ်မှန်တဲ့ အကြောင်းအရာ၊ စစ်မှန်တဲ့ အလုပ်ကို ခွဲခြားကြည့်မယ် ဆိုရင် မစစ်မှန်တဲ့ အကြောင်းအရာ၊ မစစ်မှန်တဲ့ အလုပ်တွေကို ကျွန်တော်တို့ရဲ့ စိတ်တွေထဲက ထုတ်လိုက်မယ် ဆိုရင် ကျွန်တော်တို့ရဲ့ ရင်ထဲမှာ ဖြစ်ပေါ်နေတဲ့ သောကတွေ ဒေါသတွေ အများကြီး လျော့သွားလိမ့်မယ်လို့ ထင်မိသည်။ လောကကြီးမှာ အသက်ရှင် ရပ်တည်နေတယ်၊ ကိုယ်လက်အင်္ဂါ ပြီးပြည့်စုံတယ်၊ ဘ၀တစ်ခု အောင်မြင်ဖို့၊ ကိုယ့်ကိုယ်ကို ကျေနပ်ဖို့၊ ရည်မှန်းထားတဲ့ ပန်းတိုင်ကို ရောက်ဖို့၊ ကျွန်တော်တို့အပေါ် ကျရောက်လာတဲ့ လောကဓံ ရှစ်ပါးကို သေသေကြေကြေ ရင်ဆိုင် တိုက်ခိုက်လို့ ကျွန်တော်တို့ ရှုံးနိမ့်ခဲ့ရင်တောင်၊ ရင်မဆိုင်နိုင်လို့ ကျရှုံးခဲ့ရင်တောင် ကျွန်တော်တို့ရဲ့ ဆုံးရှုံးမှုက အသက် တစ်ချောင်းတည်း ရှိသည်။ ကျွန်တော်တို့ ကျရှုံးခဲ့ရင်တောင် စွန့်လွှတ် ဆုံးရှုံးရမှာ အသက်တစ်ချောင်းပဲ ဖြစ်သည်။ ဒီကမ္ဘာပေါ်မှာ ရာထူးတွေ၊ ငွေတွေနဲ့ ပြည့်ဝ ချမ်းသာနေတဲ့သူတွေ အများကြီး။ ဘာသာခြားတွေ မပြောနဲ့ ထားဦး၊ ဗုဒ္ဓဘာသာ အမည်ခံပြီး ဒါန၊ သီလ၊ ဘာဝနာလည်း မသိ၊ မေတ္တာ၊ ကရုဏာ၊ စေတနာလည်းနည်း ဆိုတော့ အဲဒီလို လူတွေ အသက်တစ်ချောင်း ဆုံးရှုံးသွားရင် သူတို့ရဲ့ စွန့်လွှတ် ဆုံးရှုံးမှုက အများကြီး ဆိုတာ သူတို့ပဲ သိလိမ့်မည်။

မလေးရှားနိုင်ငံမှာ အောင်မြင်ကြီးပွား ချမ်းသာနေတဲ့ တရုတ်လူမျိုးတွေ အများကြီး၊ ဒါပေမယ့် သူတို့ နိုင်ငံရဲ့ ဘိုးဘွားရိပ်သာခေါ် လူအိုရုံတွေမှာ စောင့်ရှောက်မယ့် ၀န်ထမ်း မရှိတဲ့ အပြင်၊ အလုပ်ပါ လုပ်ရတယ်လို့ တရုတ် လူမျိုး တစ်ယောက်၊ နှစ်ယောက်ကို မေးကြည့်လို့ သူတို့ပြောလို့ သိရပါသည်။ ဒီလို အဖြစ်အပျက်တွေကို သိရလို့ ဒီလိုလူတွေကို အပြစ်တင် ရှုတ်ချဖို့မလို၊ ကျွန်တော်တို့ရဲ့ မေတ္တာ၊ ကရုဏာ၊ စေတနာသည် လူတိုင်းအတွက် ဖြစ်သည်။ ဗုဒ္ဓဘာသာရဲ့ အနှစ်သာရကို နားလည် သဘောပေါက်တဲ့ လူတစ်ယောက်ရဲ့ ဘ၀ဟာ ဘယ်တော့မှ အရှုံး မရှိစေရဘူး။ ဘာဖြစ်လို့လဲ ဆိုတော့ ကျွန်တော်တို့ရဲ့ ၀ါဒသည် အရှုံးမရှိတဲ့ ၀ါဒ ဖြစ်သည်။ ရှုတ်ချတယ်၊ အပြစ်တင်တယ်ဆိုတဲ့ အလုပ်ဟာ ဘယ်အလုပ်မှ မကောင်းဘူးလို့ ထင်မိသည်။ ရှုတ်ချသူ၊ အပြစ်တင်သူ တစ်ယောက်ဟာ မိမိရင်ထဲမှာပဲ သောကတွေ၊ ဒေါသတွေ အရင် ပွားများစေသလိုပဲလို့ ကျွန်တော် မြင်ယောင်လာမိသည်။

မှတ်ချက်။ ။တစ်ခါတစ်ခါ လောကကြီးမှာ အသက်တစ်ချောင်းကို ပိုင်ဆိုင်ထားရတယ် ဆိုရင်ပဲ ကျွန်တော့်ဘ၀က ပြည့်စုံနေသလိုပဲလို့ ခံစားရသည်။ တစ်ချို့သူတွေဟာ ကံကြမ္မာကို ယိုးမယ်ဖွဲ့ အပြစ်တင် ပြောဆိုတတ်ကြတယ်၊ အမှန်တကယ်တော့ လောကကြီးမှာ အသက်ရှင် ရပ်တည်နေတယ်၊ ကိုယ်လက်အင်္ဂါ ပြီးပြည့်စုံနေတယ် ဆိုရင်ပဲ ကံကောင်းနေတဲ့ သူတွေချည်းပါပဲ။
[ ထိုက်ဦး]ညီကိုယ်ဖိုးသားကူညီရေးပေသည်။

ဘဝရဲ့ အစ

ကျွန်တော်တို့ ရွာနဲ့ သုံးမိုင်လောက် ဝေးတဲ့ ရွာကြီးတစ်ရွာမှာ အလယ်တန်းနဲ့ အထက်တန်းကို သွားတက်ရတာပါ။ မိုးတွင်းပိုင်းဆိုတော့ မိုးကြီးလေကြီးထဲမှာ လမ်းလျှောက်သွားရ တာပါ။ တစ်ခါတစ်လေ ကျရင်လည်း ဖိနပ်မပါ ထီးမပါဘဲ လွယ်အိတ်ကို ကြွတ်ကြွတ်အိတ်နဲ့ ထုပ်ပြီး ကျောင်းကနေ ပြန်လာရတယ်လေ။ ဒီလိုနဲ့ ကျောင်းက တက်တစ်ဝက် ပျက်တစ်ဝက်နဲ့ ငါးတန်းဖြေပြီးတော့ ကျွန်တော်လည်း ကျောင်းထွက်လိုက်ပါတယ်။ ဒီလိုနဲ့ တစ်နှစ်လောက် လယ်ထဲဆင်းပြီး လယ်လုပ်လိုက်ပါတယ်။ နွေပေါက်လို့ စပါးရိတ်သိမ်းပြီးတော့ ကျွန်တော်လည်း လယ်မလုပ်ချင်တော့ပြန်ဘူး။ ကျွန်တော့်ရဲ့ စိတ်တွေက ရွာနဲ့ဝေးတဲ့ တစ်နေရာကို ထွက်သွားချင်နေခဲ့တယ်။ အဖေကလည်း ရွာမှာ မရှိဘူး။ ထိုင်းကိုထွက်သွားတာ သုံးနှစ်လောက်တောင် ရှိပါပြီ။ ဒီလိုနဲ့ ကျွန်တော်လည်း အမေ့ကို ဖွင့်ပြောပါတယ်။ အဖေနဲ့ အတူတူ အလုပ်သွားလုပ် ချင်တယ်ပေါ့။ အမေကလည်း ငယ်သေးတယ်တဲ့။ အဖေကလည်း မခေါ်ချင်ဘူးတဲ့။ မလာခဲ့နဲ့တဲ့။ အဖေက မခေါ်လို့ အမေက မလွှတ်တာပါ။ နို့မို့ဆိုရင် ကျွန်တော်က ဘယ်နေရာ သွားသွား သွားလို့ရပါတယ်။

အဲဒါနဲ့ ကျွန်တော်လည်း ရန်ကုန်ကို သွားမယ်လို့ ပြောလိုက်ပါတယ်။ ရန်ကုန်မှာက ကြီးမေတစ်ယောက် ရှိပါတယ်။ ကြီးမေကို ရန်ကုန်မှာ အလုပ်ရှာခိုင်းပြီး ရန်ကုန်မှာ အလုပ်သွားလုပ်မယ်လို့ ပြောလိုက်တယ်။ အမေက ကျွန်တော့်အပေါ်မှာ ဆဲခြင်း၊ ဆိုခြင်း၊ ရိုက်နှက်ခြင်း ဘာတစ်ခုမှ မရှိခဲ့ပါဘူး။ အခုအချိန်မှာ ပြန်စဉ်းစားတော့ အမေ့ရဲ့ ဆုံးမစကား သံလေးတွေကိုကျွန်တော် ကြားချင်လိုက်တာ။ ဒီလိုနဲ့ ကျွန်တော်လည်း ရန်ကုန်ကို ထွက်ခဲ့ပါတယ်။ ကျွန်တော်နဲ့ ရွာက ပါလာတဲ့ သူငယ်ချင်း နှစ်ယောက်နဲ့ပါ။ အားလုံးပေါင်း သုံးယောက်သား ရွာက လူကြုံနဲ့ ရန်ကုန်ကို လိုက်လာခဲ့ကြတာ.. ကြီးမေအိမ်ကို ရောက်လာပါတော့ တယ်။ ကြီးမေလည်း နောက်နေ့ကို အလုပ်တစ်ခါတည်း တန်းရှာပေးပါတော့တယ်။ ကြီးမေက ပြောတယ်၊ နင်တို့ သုံးယောက်တောင် ငါ့အိမ်မှာ ရက်ကြာကြာ မကျွေးထားနိုင် ဘူးတဲ့။ ကျွန်တော်တို့ ကလည်း အိပ်စရာ နေရာတောင် မရှိတဲ့ ကြီးမေအိမ်မှာ ကြာကြာ မနေချင်ပါဘူးလို့ ပြောလိုက်ပါတယ်။ ရွာကပါလာတဲ့ သူငယ်ချင်း တစ်ယောက်က ကျွန်တော့်ကို ပြောပါတယ်။ မင်းကြီးမေကလည်းကွာ.. ရွာကပါလာတဲ့ လက်ဆောင်တော့ အသားကုန်ယူပြီး သူ့အိမ်မှာကျတော့ တစ်ရက် နှစ်ရက်တောင် မထားချင်ဘူး တဲ့လေ။

ကျွန်တော်လည်း အေးလေကွာ.. ငါလည်း သူ့အကြောင်း ဒီလိုမှန်း သိရင် ရွာက ဘာတစ်ခုမှ အလေးခံပြီး ယူမလာခဲ့ပါဘူးလို့ ပြောလိုက်ပါတယ်။ နောက်နေ့မှာ တာမွေက စက်ရုံတစ်ရုံမှာ အလုပ်ရပါတယ်။ အဲဒီစက်ရုံမှာက လူတွေ အယောက် သုံးဆယ်လောက် ရှိပါတယ်။ ကောင်မလေးတွေ ဆယ်ယောက်လောက်တော့ ရှိတယ်။ ကျွန်တော်တို့ ကလည်း လူပျိုတောင် မဖြစ်သေး ပါဘူးဗျာ။ ပြောရမယ်ဆိုရင် ကောင်မလေး ကိစ္စနဲ့ ပတ်သတ်လို့ ဘာမှလည်း စိတ်ထဲမှာ မရှိသေး ပါဘူး။ ဒီလိုနဲ့ သုံးလေး ငါးလလောက် ကြာတော့ ညပိုင်းအလုပ် လုပ်ရပါတယ်။ ညပိုင်း အလုပ်ဆိုတော့ တစ်ခုခု ချက်ကျွေးတာပေါ့။ အဲဒီညက တရုတ်ဆန်ပြုတ် ချက်ကျွေးပါတယ်။ သူဋ္ဌေးကို ကျွန်တော်တို့က ဘကြီးလို့ပဲ ခေါ်ပါတယ်။ ဘကြီးက ဆန်ပြုတ်ချက်မယ့် အစ်ကိုကြီး တစ်ယောက်ကို ပြောပါတယ်။ မင်းတို့ ချက်စရာ ပြုတ်စရာတွေ ရေခဲသေတ္တာထဲမှာ သွားယူချေတဲ့။ အဲဒါနဲ့ အစ်ကိုကြီးက ကျွန်တော့်ကို ထိုက်ဦး မင်း အိမ်နောက်ဖေးက သွားတဲ့။ ပြီးရင် မီးဖိုဆောင် ရောက်မယ်တဲ့။ အဲဒီ မီးဖိုဆောင်မှာ ရေခဲသေတ္တာ တစ်လုံးရှိတယ်။ အထဲမှာ မုန်ညင်းရွက်ရယ် ကြက်သားရယ် ယူလာခဲ့တဲ့။ ကျွန်တော်လည်း သွားတာပေါ့။

မီးဖိုဆောင် ရောက်တော့ ရေခဲသေတ္တာတော့ တွေ့ပါရဲ့.. ဒါပေမယ့် ဖွင့်တဲ့နေရာ မတွေဘူး။ ရေခဲသေတ္တာက ဖွင့်ရမယ့် ကိုင်းလည်း မရှိ၊ ခလုတ်လည်းမရှိ ဆိုတော့ ကျွန်တော်လည်း ဟိုကြည့် ဒီကြည့်နဲ့.. ပြီးတော့ ကျွန်တော့်လက်နဲ့ အပေါ်ပုတ်လိုက် ဘေးပုတ်လိုက်ပေါ့။ ဟိုနေရာကို ကိုင်ကြည့်၊ ဒီနေရာကို ကိုင်ကြည့်နဲ့.. အရမ်း အရမ်းလည်း မကိုင်ရဲဘူး။ လျှပ်စစ်ပစ္စည်း ဆိုတော့ ဓါတ်လိုက်တတ်တယ် ဆိုပြီး စိတ်က ကြောက်နေခဲ့ တာပါ။ အဲဒါနဲ့ သူဋ္ဌေးကတော်က အိမ်သာတက်ဖို့ လာတယ်။ ကျွန်တော်က ကျွန်တော်က ရေခဲ သေတ္တာကို ဟိုပုတ် ဒီပုတ်၊ ဟိုကိုင် ဒီကိုင် လုပ်နေတာ မြင်တော့ ဟဲ့ နင်က ရေခဲသေတ္တာကို ဖျက်ဆီးနေတာ လားတဲ့.. ဆိုပြီး အသားကုန် အော်ပါတော့တယ်။ ကျွန်တော်ကလည်း မဟုတ်ရပါဘူးဗျာ.. ကျွန်တော် ရေခဲသေတ္တာ အပေါက်ရှာနေတာပါလို့ ပြောလိုက်တော့ ဟယ် ဒီတောသား နှစ်ယောက် သုံးယောက်တော့ ငါ့ဆီမှာ ကြာကြာနေရင် ငါ့စက်ရုံက ပစ္စည်းမပြောနဲ့ ငါ့အိမ်က ပစ္စည်းတောင် ဘာတစ်ခုမှ ကောင်းကောင်းကျန်မှာ မဟုတ်ဘူးတဲ့။ အဲဒါနဲ့ သူကိုယ်တိုင် ဖွင့်ပြီး ပစ္စည်းတွေ ထုတ်ပေးပါတော့တယ်။

ဒီလိုပါပဲ၊ တုံးတာ၊ အေးတာ၊ အတာ၊ ဘာတစ်ခွန်းမှ ပြန်မပြောတတ်တာက ကျွန်တော့်အတွက် သီးခံနိုင်စွမ်းတွေ အများကြီး ရရှိခဲ့တာပေါ့။ တစ်ခါတုန်းကလည်း သူဋ္ဌေး ဘကြီးက ည ၈ နာရီလောက် ကျွန်တော့်ဆီ လာပြီး ကျွန်တော့်ကို လာခေါ်သွား တယ်လေ။ ထိုက်ဦး ဘကြီးကို တစ်ချက် နှစ်ချက်လောက် နှိပ်ပေးပါဦး လားကွာတဲ့..။ ကျွန်တော်လည်း ဘကြီးနောက်ကို လိုက်သွားတယ်။ အိမ်ရောက်တော့ တီဗွီ ထိုင်ကြည့်နေကြတဲ့ မိသားတစ်စု၊ ဘကြီးက ကုလားထိုင်ပေါ်မှာ ထိုင်ပြီးတော့ ကျွန်တော်က မတ်တပ်ရပ်ပြီး နှိပ်ပေးလိုက်တယ်။ နာရီဝက်လောက် ကြာတော့ အန်တီကြီးကလည်း ထိုက်ဦး ပြီးရင် အပေါ်ထပ်ကို တက်လာတဲ့။ အန်တီ့ကိုလည်း နှိပ်ပေး ပါဦးတဲ့။

ဘကြီးကို နှိပ်ပြီးတော့ ကျွန်တော်လည်း အပေါ်ထပ်ကို တက်သွားပါတယ်။ အန်တီ့ကို နှိပ်ပေးပြီး ဆယ်မိနစ် ဆယ့်ငါးမိနစ်လောက် ကြာတော့ သူ့သမီးက တက်လာပါတယ်။ ကျွန်တော့် ဘေးနားမှာ လာထိုင်ပြီး ထိုက်ဦး နင်ငါ့ကိုလည်း နှိပ်ပေးပါဦးတဲ့။ ကျွန်တော်က မျက်လုံးတွေ ပြူးနေတာပေါ့။ ကျွန်တော့် စိတ်ထဲကတော့ အဘွားကြီး၊ အဖိုးကြီးဆိုတော့ နိုပ်ပေးလို့ ဘာမှ မဖြစ်ဘူး။ အစ်မက အပျိုဆိုတော့ ကျွန်တော် ဘယ်လို နှိပ်ပေးရမလဲ ပေါ့နော်။ အဲဒါနဲ့ အန်တီကြီးကလည်း နှိပ်ပြီးတော့ အောက်ထပ်ကို ဆင်းသွားတယ်။ အဲဒါနဲ့ သူက အိမ်ခန်းထဲက အိပ်ယာပေါ်မှာ မှောက်လျက် အိပ်ပြီး ပထမတော့ နင်းပေးတဲ့။ နောက်တော့ နှိပ်ပေးတဲ့.. အကြာကြီးပဲ။ ဘယ်နေရာကို နှိပ်ပေးလို့ နှိပ်ပေးရမှန်း မသိ။ မနှိပ်ရဲ နှိပ်ရဲ.. ဘယ်နေရာကို နင်းပေးလို့ နင်းပေးရမှန်းမသိ၊ မနင်းရဲ နင်းရဲ။ ဘယ်နေရာ ကိုင်လို့ ကိုင်ရမှန်းမသိ၊ မကိုင်ရဲ ကိုင်ရဲ။ တစ်ချက်တစ်ချက် လက်တွေတောင် တုန်ရုံ မကလို့ ချွေးတွေတောင် ပြန်နေတာပဲ။ ကျွန်တော် ရှက်နေတယ်၊ ကြောက်နေတယ် ဆိုတာကို သူ လုံးဝ ရိပ်မိနေပါတယ်။ ရှက်နေတာ ကြောက်နေတာ သိလျက်သားနဲ့ ဆယ်မိနစ် ဆယ့်ငါးမိနစ် လောက်ဆို တော်ရောပေါ့။ ဘာတစ်ခွန်းမှ ပြန်မပြောဘဲ အကြာကြီး နှိပ်ခိုင်းနေတော့ တာပဲ။

အခုအချိန်မှ ဖြတ်သန်းလာခဲ့ရတဲ့ ကျွန်တော့်ဘ၀ကို ကျွန်တော် ပြန်တွေးကြည့်တော့ ၀တ္ထုတွေ၊ ဇာတ်လမ်းတွေထဲကလို ပါပဲလား မသိ။ ဆရာကြီး မင်းသိင်္ခရေးတဲ့ ပုဂံသား ဘမော်လို အပျိုကြီး ၀က်သားဟင်း ချက်ခိုင်းတယ် ဆိုတဲ့ အဖြစ်ထက်တောင် ဆိုးနေပါရောလား ဗျာ။ ဒီလိုနဲ့ ညပိုင်း အလုပ်လုပ်ရင်း ဖဲဝိုင်းတွေ အရက်ဝိုင်းတွေက ကျွန်တော်တို့ အိပ်တဲ့ အခန်းရှေ့မှာပဲ.. တစ်ခါတစ်လေ ဖဲဝိုင်းကို ထိုင်ကြည့်ပြီး ဖဲဝိုင်းဘေးမှာပဲ အိပ်ပျော်သွားခဲ့ တာလည်း အကြိမ်ပေါင်း မနည်းခဲ့ပါဘူး။ ဖဲဝိုင်းကိုကြည့်ပြီး ဖဲကစားတတ်ပါလျက်နဲ့ ဘာကြောင့် မကစားရတာလည်း ဆိုတော့ သူဋ္ဌေး ဘကြီးက တစ်နေ့ကို မုန့်ဟင်းခါးဖိုး တစ်ဆယ် ပေးပါတယ်။ မုန့်ဟင်းခါး တစ်ပွဲကို အဲဒီတုန်းက ငါးကျပ်ပါ။ ကျန်တဲ့ ငါးကျပ်ကို စုတာ ရွာပြန်တဲ့အချိန်မှာ သုံးထောင် ပြည့်ခဲ့ပါတယ်။ အဲလောက်ထိ ပိုက်ဆံစုပြီး ကပ်စေးနဲတော့ ဖဲရိုက်ရင် အရှုံးနဲ့ တွေ့ပြီး၊ မစားရက် မသောက်ရက် စုနေပါတယ်ဆိုတဲ့ ပိုက်ဆံတွေ ပြောင်သွားမှာ ကုန်သွားမှာ ကြောက်နေခဲ့လို့ ပါပဲ။ အရက်ကလည်း သူဋ္ဌေးသား နိုင်ငံခြားကနေ ပြန်လာလို့ အလကားရလို့ သောက်တာပါ။ အလကားရတိုင်း သောက်တယ် လို့တော့ မဟုတ်ပါဘူး။ လူတစ်ယောက်က ကိုယ့်အပေါ်ကို တကယ် သူ့စိတ်ထဲမှာ စေတနာ ရှိလို့ တကယ် ပျော်ရွှင်စေချင်လို့ ဆိုတော့ အားနာမှုနဲ့ လိုက်လျော ညီထွေစွာ ပေါင်းသင်းဆက်ဆံ တတ်ခဲ့ပါလား ဆိုတာ ခုမှပဲ ပြန်စဉ်းစားမိ ပါတယ်။

ကိုယ့်စိတ် ကိုယ့်ဆုံးဖြတ်ချက်နဲ့တော့ တစ်ခါမှ မသောက်ဖူး ပါဘူး။ သူဋ္ဌေးသား လိုက်ပို့ပေးလို့လည်း ဘုရားတွေ တော်တော်များများ ရောက်ခဲ့ဖူးပါတယ်။ ရန်ကုန်က ဘုရားစုံလို့.. ဇွဲကပင်၊ သာမည၊ ကျိုက်ထီးရိုးတွေပါ ရောက်ခဲ့ဖူး ပါတယ်။ တစ်ခါတုန်းကလည်း သူ့ကောင်မလေးနဲ့ သူနဲ့ ကျွန်တော်တို့ သုံးယောက်နဲ့ သန်လျင် ကျိုက်ခေါက် ဘုရားမှာ လိုက်တန်း ပြေးတန်းသွား ကစားဖူး ပါတယ်။ ကျွန်တော် ဘယ်လောက်ထိ ရှက်တတ်လဲ ဆိုရင် စက်ရုံက ထွက်တဲ့ ပစ္စည်းတွေ တစ်ပတ်ကို သုံးလေးခေါက်လောက် ရန်ကုန်က ဈေးတွေအစုံ ကားနဲ့လိုက်ပို့ရပါတယ်။ ကျွန်တော်က အလုပ်လုပ်တဲ့ အင်္ကျီ၊ ဘောင်းဘီ ညစ်ပတ် ပေရေနေတယ် ဆိုတော့ သွားလိုက်မပို့ ရဲဘူး။ ဘာဖြစ်လို့လည်း ဆိုတော့ လူဘုံအလည်မှာ လူတွေကြားမှာ ဟောင်းနွမ်းညစ်ပတ်နေတဲ့ အ၀တ်အစားနဲ့ ဆိုတော့ သူများတကာတွေ မြင်ရင် လမ်းပေါ်က လူလို့ ထင်မှာစိုးလို့ပါပဲ။

သူဋ္ဌေးသားတောင်မှ အလုပ်ထဲမှာ လုပ်တဲ့ အင်္ကျီ၊ လုံချည်နဲ့ သွားသေးတာပဲ။ ငါက ဘာဖြစ်လို့ မသွားရဲရမှာလည်း ဆိုပြီး သူခေါ်တာနဲ့ လိုက်သွားလိုက်တာ တစ်ခေါက် နှစ်ခေါက် ကြာလာတော့ ရှက်ပါတယ်၊ ကြောက်ပါတယ် ဆိုတဲ့ စိတ်က ဘယ်ရောက်သွားမှန်းတောင် မသိတော့ ပါဘူး။ ကျွန်တော် တုံးတာ၊ အေးတာ၊ အတာ၊ ရှက်တတ်တာ ကြောက်တတ်တာတွေက တန်ဖိုး မဖြတ်နိုင် ပါဘူး။ ဘာဖြစ်လို့လဲ ဆိုတော့ ကျွန်တော့်ရဲ့ အကျင့်စာရိတ္တတွေ မပျက်စီး မယိမ်းယိုင် သွားလို့ပါပဲ။ ကျွန်တော့်ရဲ့ အကျင့်စာရိတ္တတွေ မပျက်စီး မယိမ်းယိုင်သွားဘူး ဆိုရင် ဘာအလုပ်ပဲ လုပ်ရ လုပ်ရ.. ဘယ်ကိုပဲ သွားရ သွားရ.. ကျွန်တော် မရှက်တတ်၊ မကြောက်တတ် တော့ပါဘူး။ ကျွန်တော်လည်း နှစ်နှစ်လောက် ရန်ကုန်မှာ နေပြီး ထိုင်းကို ခရီး ဆက်ပါတော့တယ်။

မှတ်ချက်။ ။ဘ၀က ပေးလာခဲ့တဲ့ ကံကြမ္မာကို ဒီအရှက်အကြောက်တွေက ပိတ်ဆို့ တားဆီးထားရင် ကျွန်တော် ဘယ်လို ရုန်းကန် ထွက်နိုင်ပါတော့ မလဲ။

ဘ၀လမ်း

ကျွန်တော် အသက် ၁၆ နှစ်နဲ့ ထိုင်းကို ထွက်ခဲ့တယ်။ ဘာမှ လည်း သိပ်မစဉ်းစားဘူး၊ အလုပ်လုပ်မယ်၊ ပိုက်ဆံစုမယ်၊ အိမ်ပို့မယ် ဆိုတဲ့ စိတ်ကူး တစ်ခုပဲ ရှိခဲ့တာလေ။ ပင်ပန်းတယ်၊ ဒုက္ခတွေ့မယ်၊ အခက်အခဲတွေ့မယ်၊ လောကကြီး အကြောင်း ဘာမှနားမလည်ဘဲ လောကဓံကို ရင်ဆိုင်ခဲ့ရတယ်။ လူမျိုးပေါင်းစုံ စရိုက်ပေါင်းစုံ ရှိတဲ့ ယနောင်း ဆိုတဲ့ မြို့လေးမှာ နေပြီး အလုပ်လုပ်ခဲ့တာ လေးနှစ်တောင် ကြာခဲ့တယ်။ လုပ်ဖော်ကိုင်ဘက်တွေက သူလို ကိုယ်လို၊ အတန်းပညာတွေက မူလတန်း၊ အလယ်တန်း၊ သူငယ်တန်းလောက်ပဲ နေခဲ့ကြသူတွေပါ။ လူကြီး၊ လူငယ်၊ လူလတ် အရွယ်ပေါင်းစုံ လေးတွေပါ။ ရိုင်းတဲ့လူ ရှိသလို ရိုးသားတဲ့လူလည်း ရှိခဲ့တယ်။ တစ်ချို့ဆိုရင် စာတောင် မတတ်ဘူးလေ။ အဲဒီလို အရက်သမား၊ ဖဲသမား၊ မိန်းမ လိုက်စားသူတွေ ကြားမှာ ကျွန်တော် ဘယ်လို နေလာခဲ့ရသလဲဆိုတာ ပြောပြပါ့မယ်။



အလုပ်ဂိုထောင်ရဲ့ ဘေးပတ်ဝန်းကျင်တွေမှာ တစ်ချို့က တစ်ကိုယ်ရေ တစ်ကာယ၊ တစ်ချို့က မိသားစုတွေနဲ့ပါ။ သိပ်မလှမ်းမကမ်းလေးမှာက ရဲစခန်း၊ အထဲမှာ အချုပ်ခန်းတွေလည်း အများကြီး ရှိတယ်။ ပတ်ဝန်းကျင် တွေကလည်း ရန်ဖြစ်ကြလို့ ရိုက်ပွဲ သတ်ပွဲတွေက ခဏခဏ တွေ့ကြုံနေရတယ်။ တစ်နေ့တော့ ထိုင်းရဲတွေက ပတ်ဝန်းကျင်က တဲတန်းလျားတွေကို ၀ိုင်းပြီး ဖမ်းကြတာလေ။ ကလေးတွေက ငိုယိုလို့၊ လူကြီးတွေက ထွက်ပြေးလို့ပေါ့။ ကလေးတွေရဲ့ ငိုသံတွေနဲ့၊ လူကြီးတွေရဲ့ အော်သံတွေက ကျွန်တော့်ရင်ကို ထိတ်လန့်စေခဲ့တယ်။ ပတ်ဝန်းကျင် အသိုင်းအ၀ိုင်းထဲက ကလေးတွေကို ကြည့်ပြီး ကျွန်တော် သံဝေဂ ရခဲ့တယ်။



အရက်သောက်သူကိုကြည့်ပြီး ဒီလူဟာ အရက်ကို မသောက်ဘဲနေရင် သိပ်ကောင်းမှာ ပဲ.. အရက်ရောင်းသူကလည်း အရက်ရောင်းပြီး စီးပွား မရှာရင်ကော၊ ဒီလောကကြီး၊ ဒီကမ္ဘာကြီးမှာရော အရက်ဆိုတာ မရှိခဲ့ရင်ကော.. သိပ်ကောင်းမှာပဲလေ ဆိုပြီး စဉ်းစားခဲ့တယ်။ ရိုက်ပွဲသတ်ပွဲ၊ ရန်ဖြစ်သူတွေကလည်း တစ်ယောက်နဲ့ တစ်ယောက် နားလည်ခွင့်လွှတ်ပြီး သဘောထား ကြီးကြီး.. သူတို့ရဲ့ စိတ်ထဲရှိကြရင် သိပ်ကောင်းမှာပဲ။



တစ်ခါတစ်ခါ ပင်လယ်ထဲမှာ လေမုန်တိုင်း တိုက်လို့.. လှေတွေမှောက်၊ လူတွေသေနေကြတဲ့ အဖြစ်အပျက်တွေကိုလည်း ခဏခဏပဲ ကြားနေရတယ်။ ကျွန်တော် ညအိပ်ယာဝင်တိုင်း ဘုရား ရှိခိုးပြီးတိုင်း စဉ်းစားတယ်။ လောကကြီးမှာ ဒီလိုလူဆိုး၊ လူရိုင်း၊ အဖြစ်အပျက်ဆိုးတွေ မရှိရင် သိပ်ကောင်းမှာ ပဲလေ။ ဒီလိုအဖြစ်အပျက်ဆိုးတွေကို လူတွေက လုပ်တာလား၊ လောကကြီးက လုပ်တာလား။ ဘယ်သူက မတရားတာလဲ ဘယ်ဟာက မတရားတာလဲ ဆိုပြီး ကိုယ့်အတွေးနဲ့ ကိုယ် စဉ်းစားကြည့်လိုက်တော့ ကျွန်တော့်စိတ်ထဲမှာ ဘယ်အရာကိုမှ အပြစ်မမြင်ဘူး။ လူတွေကိုလည်း အပြစ်မမြင်သလို၊ လောကကြီးကိုလည်း အပြစ်မမြင်ဘူး။ တစ်နေ့တော့ ကျွန်တော်က ဈေးဝယ်ရင်း အင်္ကျီတွေ ၀ယ်ဖို့ လမ်းလျှောက်ထွက်ခဲ့တယ်။ ရဲစခန်းရှေ့ကို ဖြတ်ကျော် သွားရတယ်။ ရဲစခန်းရဲ့ အထဲမှာ အချုပ်ကားပေါ်ကနေ ဖမ်းလာတဲ့ သူတွေကို ကျွန်တော် လှမ်းကြည့်လိုက်တော့ အသက် ငါးဆယ် ခြောက်ဆယ် သက်ကြီး ရွယ်အိုတွေနဲ့ အမိဝမ်းထဲက လောကကြီးကို ရောက်မလာသေးတဲ့ ကိုယ်ဝန်ဆောင် မိန်းမကြီးတွေပါ တွေ့လိုက်ရတော့ ကျွန်တော် မျက်ရည်တွေပါ စီးကျလာခဲ့ ရတယ်။



တစ်နေ့ထက်တစ်နေ့ သံဝေဂတွေပဲ ဖိစီးနေခဲ့တယ်။ လူတွေက ရက်စက်တာလား၊ လောကကြီးက မတရားတာလား ဆိုပြီး စဉ်းစားနေ ခဲ့တယ်။ လူတွေကိုလည်း ဒုက္ခတွေ မခံစား စေချင်ဘူး၊ အဖြစ်ဆိုးတွေလည်း မခံစားစေချင်ဘူး။ လောကကြီးမှာလည်း ဒီလို အဖြစ်အပျက်ဆိုးတွေ မရှိစေချင်ဘူး။ အဲဒီတော့ သံဝေဂဆိုတာ လူတွေကိုလည်း အပြစ်မမြင်ဘူး၊ လောကကြီးကိုလည်း အပြစ်မမြင်ဘူး၊ ဒုက္ခတွေ အဖြစ်ဆိုးတွေကို မရှိစေချင်ဘူး မမြင်စေချင်ဘူး မတွေ့စေချင်ဘူး ဆိုတာပါ။ ကျွန်တော် အခါ နှစ်ဆယ်လောက် အလိမ်ခံ ထိဖူးပါတယ်။ ဒါပေမယ့် ကျွန်တော် ဘယ်သူ့ကိုမှ စိတ်ထိခိုက် နာကျင်အောင် မလိမ်ညာခဲ့ဖူးပါဘူး။ ကျွန်တော့်ဘ၀က သူများပေးတာစား၊ သူများ ခိုင်းတာလုပ် ဆိုတော့ အကြိမ်ပေါင်းများစွာ အပြောခံခဲ့ရ ဖူးပါတယ်။ ဒါပေမယ့် ကျွန်တော်က ဘယ်သူ့ကိုမှ စိတ်ထိခိုက် နာကျင်အောင်၊ မျက်ရည်ကျအောင် မပြောဆိုခဲ့ဖူး ပါဘူး။ လမ်းပေါ်မှာလည်း အိပ်ခဲ့ဖူးတော့ သူများအထင်သေး အမြင်သေး ခံခဲ့ရဖူးပါတယ်။ ဒါပေမယ့် ကျွန်တော်က ဘယ်သူ့ကိုမှ အထင်သေး၊ အမြင်သေးနဲ့ တစ်ဦးတစ်ယောက်ကိုမှ မကြည့်ခဲ့ဖူးပါဘူး။ သံဝေဂဆိုတဲ့ သဘောတရားလေးက ကျွန်တော့်အသွေးအသားထဲကို ရိုက်နှက်ထား သလိုပဲ။ မကောင်းတာ လုပ်ဖို့၊ မကောင်းတာ ပြောဖို့၊ မကောင်းတာ ကြံစည်ဖို့ ကြံတိုင်း ကျွန်တော့်ရဲ့ စိတ်တွေက မလုပ်ရဲဘူး ဖြစ်နေခဲ့တယ်။ ရက်စက်ခြင်း၊ မုန်းတီးခြင်း၊ အညှိုးအတေးတွေ၊ ယှဉ်ပြိင်မှုတွေ၊ မာန်မာနတွေက လူတိုင်းရဲ့ ရင်ထဲမှာ မရှိစေချင်သလို၊ ကျွန်တော့်မှာလည်း မရှိချင်ဘူး၊ လုံးဝလည်း မထားချင်ဘူး။ ရှေ့မှာ ဖော်ပြခဲ့တဲ့ အတိုင်းပါပဲ၊ လူတွေကိုလည်း အပြစ် မမြင်သလို လောကကြီးကိုလည်း အပြစ်မမြင်ပါဘူး။ ဒါဆိုရင် ဘာကို အပြစ်မြင်ပြီး မုန်းတီးနေတာလဲလို့ ကိုယ့်ကိုယ်ကို စဉ်းစားကြည့်လိုက်တော့ ရက်စက်ခြင်း၊ မုန်းတီးခြင်း၊ အညှိုးအတေးတွေ ယှဉ်ပြိုင်မှုတွေ၊ မာန်မာနတွေကို ကျွန်တော်က မုန်းနေတာပါ။ ကျွန်တော် မုန်းတယ်ဆိုတဲ့ အရာတွေက ကျွန်တော့်ရဲ့ စိတ်ထဲမှာ ဖြစ်ပေါ်လာရင် ကျွန်တော် ဖမ်းဆုပ်ထားချင်ပါ့မလား။



ကျွန်တော် အသက် ၁၄ နှစ်အရွယ်ကတည်းက သွန်သင် ဆုံးမမှုရဲ့အောက်မှာ မနေလာခဲ့ရတာ ခုဆိုရင် ၁၄ နှစ်ရှိပါပြီ။ လောကဓံက သွန်သင် ဆုံးမခဲ့လို့ လောကကြီးကိုတော့ ကျွန်တော် အကျိုးပြုရမယ်လို့ ထင်ပါတယ်။ အဲဒီတော့ ကျွန်တော်က လောကကြီးကို ဘာအကျိုးတွေ ပြုရမှာလဲ..။ သင်ကြားပေးခဲ့တဲ့ ဆရာတွေ ရှိသလို ကိုယ့်ဘ၀ကို ပြုစုပျိုးထောင်ပေးခဲ့တဲ့ မိဘတွေ ရှိတယ်။ ကိုယ့်ကို ကူညီစောင့်ရှောက်တဲ့ ညီအစ်ကို မောင်နှမတွေ ရှိသလို၊ သူငယ်ချင်း မိတ်ဆွေတွေ ရှိတယ်။ အဲဒီတော့… သူတို့ဟာ လူတွေပါ။ သူတို့ရဲ့ ကျေးဇူးတရားတွေကို နားလည်ရင်၊ သူတို့ကို ကျေးဇူး ပြန်ဆပ်နိုင်ခဲ့ရင်၊ သူတို့ရဲ့မေတ္တာတရားကို တန်ဖိုးထားခဲ့ရင်၊ သူတို့ကို အကျိုးပြုခဲ့ရင် လူတွေကိုလည်း အကျိုးပြုတာနဲ့ အတူတူပါပဲလေနော်။ လူတစ်ဦး တစ်ယောက်မှ ကျွန်တော့်အပေါ် အငြှိုးအတေးတွေ မရှိခဲ့ရင်၊ ကျွန်တော်ကလည်း လူ တစ်ဦးတစ်ယောက် ကိုမှ အငြှိုးအတေးတွေ မရှိခဲ့ရင် ကမ္ဘာပေါ်မှာ ရှိတဲ့လူတွေက ကျွန်တော့်ကို မမုန်းရင်၊ ကျွန်တော်ကလည်း ဘယ်သူ့ကိုမှ မမုန်းရင် ကျွန်တော်ဟာ လူတွေကို အကျိုးပြုနေတဲ့ လူတစ်ယောက် ပါပဲနော်။ လောက အကျိုးကိုလည်း ကျွန်တော် တစ်နေ့နေ့မှာ သယ်ပိုး နိုင်လိမ့်မယ်လို့လည်း ကျွန်တော့်ကိုယ် ကျွန်တော် ယုံကြည်ပါတယ်။



လောကကြီးက ကျွန်တော့်ဘ၀ကို ဒီလို ဖန်တီးပေးခဲ့လို့လည်း ကျွန်တော့်ဘ၀ကို ကျွန်တော် ကျေနပ်ပါတယ်။ ဘာဖြစ်လို့လည်းဆိုတော့ ပေးဆပ်ခွင့်တွေ အများကြီး ရှိသလို၊ ဖန်တီး လုပ်ဆောင်နိုင်စွမ်းတွေလည်း ရှိတယ်။ အကျိုးပြုနိုင်စွမ်းတွေလည်း ရှိတယ်၊ ရယူ ပိုင်ဆိုင်နိုင်စွမ်း တွေလည်း အများကြီး ရှိပါတယ်။ တစ်ချို့သော သူတွေမှာ တကယ် ပြုစုလုပ်ကျွေး စောင့်ရှောက်ချင်ပါတယ် ဆိုတာတောင် မိဘတွေက မရှိရှာကြဘူး။ ကျွန်တော့်မှာက မိရော ဖရောသာမက အဘိုး အဘွားတွေပါ ရှိကြသေးတာလေ။ တကယ် ထူးမြတ်တဲ့ ပါရမီကို ဖြည့်ခွင့်ရအောင် ကျွန်တော် ကြိုးစားမှာပါ။ နောက်ဆုံး.. ပိုင်ဆိုင်ရမယ့် အခွင့်အရေး မရရင်တောင် လိုချင်တာ ပိုင်ဆိုင်ချင်တာ ဘာတစ်ခုမှ မရခဲ့ရင်တောင် ပေးဆပ်ရင်းနဲ့ အသက်ရှင်ပြီး ပျော်ရွှင်နိုင်ဖို့ အတွက် ကိုယ့်စိတ်ကို လှည့်ပြောင်းလိုက် ရုံပါပဲ။ စိတ်ကို ပြောင်းကြည့်ဖို့ ဆိုတာ သူများအတွက် တော်တော်ခက်ပေမယ့် ကျွန်တော့်အတွက်တော့ လွယ်နေပါပြီ။ ဘာဖြစ်လို့လဲ ဆိုတော့ စိုးရိမ်စရာ၊ ပူပင်စရာ၊ ထိတ်လန့်စရာတွေက ကြုံခဲ့ပေါင်း များနေခဲ့လို့ပါပဲ။



ကျွန်တော့် မိဘတွေကစာမတတ် ဘူးလေ။ ဒါပေမယ့် ကျွန်တော် ငယ်ငယ်ကတည်းက အဖေဟာ တရားထိုင်တယ်၊ ပုတီးစိပ်တယ်၊ ဥပုသ်စောင့်တယ်။ အရက်သေစာ မပြောနဲ့၊ ဆေးလိပ်တောင် မသောက်ပါဘူး။ အမေကတော့ ကျွန်တော် ပြောသမျှ အားလုံး ယုံတယ်လေ။ ဘာဖြစ်လို့လဲ ဆိုတော့ ဘယ်မှ မသွားတတ်၊ မလာတတ်ဘူး။ ဗဟုသုတ နည်းတာ မဟုတ်ပါဘူး၊ ရှိကို မရှိတာပါ။ ဒါကြောင့်မို့ ကျွန်တော့် မိဘနှစ်ပါးကို ကျွန်တော် လမ်းပြခွင့် ရတာလေ။ ဒီလို အခွင့်အရေးမျိုးကို ကျွန်တော် လက်လွှတ်ဆုံးရှုံး မခံနိုင်ပါဘူး။ လောကရဲ့ စည်းစိမ်ကိုလည်း ပေးနိုင်ရမယ်။ တရားဓမ္မနဲ့ ပတ်သတ်လို့လည်း ၀ိပဿနာ တရားတွေကို ကောင်းကောင်းကြီး သိစေချင်ပါတယ်။



လောကမှာ သင်ကြားလာခဲ့ရတယ်၊ သိတယ်၊ တော်တယ်၊ တတ်တယ် ဆိုပေမယ့်လည်း ထွက်သက် ၀င်သက်နဲ့ ၀ိပဿနာ သဘောတွေကို မသိမှတ် သွားရှာရဘူးဆိုရင် အဲဒီလူဟာ လူဖြစ်ရတာ မတန်ဘူးလို့ ကျွန်တော် ထင်ပါတယ်။ လောကမှာ ဘာမှ မသင်ကြားလာရဘူး၊ မသိဘူး၊ မတတ်ဘူး ဆိုပေမယ့်လည်း ၀ိပဿနာတရားကို နားလည် သဘောပေါက်ပြီ၊ သိသွားပြီ ဆိုရင် လူဖြစ်မရှုံးဘူးလို့ ကျွန်တော် ထင်ပါတယ်။ ကျွန်တော် ကိုယ်တိုင်လည်း ကြိုးစား အားထုတ်ဖူးပါတယ်။ စိတ်ဓါတ်ကျ စိတ်ညစ်လာတဲ့ အခါတွေတိုင်း ကျွန်တော် တရားထိုင်ပါတယ်။ ဒီတရားတွေရဲ့ ကျေးဇူးကြောင့်လည်း ကျွန်တော့်ဘ၀ရဲ့ လောကဓံက ဘယ်လောက် ခက်ခဲခက်ခဲ ကျွန်တော် အဖြူစင်ဆုံး၊ အရိုးရှင်းဆုံး လျှောက်နေပါတယ်။ ကျွန်တော့်ဘ၀ လမ်းမှားကို မရောက်အောင် လမ်းပြခဲ့တာတော့ စာအုပ် စာပေပါပဲ။ ကျွန်တော့်အတွက် တန်ဖိုးအကြီးဆုံး စာအုပ်က ဆရာတော် ဦးဇောတိကရဲ့ မေတ္တာဆိုတာ ဘာလဲ- မေတ္တာတရား လမ်းပျောက်ရာမှ လမ်းမှန်ပေါ်ပေါက်လာသူ ဆိုတဲ့ စာအုပ်ပါပဲ။ ဆရာတော်ကြီး ပျံလွန်တော် မမူခင် ဖူးခွင့်ရပါလို၏ လို့လည်း ကျွန်တော် ဆုတောင်းပါတယ်။ နောက် ဘလော့ဂါ ညီအစ်ကို မောင်နှမတွေ အားလုံးဟာလည်း ကျွန်တော့်ဘ၀ သန်းခေါင်ယံကို လမ်းပြပေးတဲ့ ကြယ်ပွင့်လေးတွေ ဆိုတာ ဘယ်လိုမှ ငြင်းနိုင်ဖွယ် မရှိပါဘူး။



ကျွန်တော် လူတစ်ယောက် တွေ့ဖူးပါတယ်။ သူက ကလေးနှစ်ယောက် အဖေပါ။ ထိုင်းကနေတစ်ဆင့် မလေးကိုလာပြီး အလုပ်လာလုပ်ပါတယ်။ သူက အရက်တွေသောက်၊ ထီတွေထိုး၊ ချဲတွေထိုး၊ သူ့အကြောင်းကို ကျွန်တော် မေးကြည့်တော့ ကျွန်တော့်ကို ပြောပြပါတယ်။ သူ မလေးရှားကို လာပြီး တစ်နှစ်လောက် ကြာတော့ မြန်မာပြည်က သူ့မိန်းမကို လှမ်းခေါ်လိုက်ပါတယ်။ သူ့မိန်းမလည်း ပွဲစားနဲ့ လိုက်လာပါတယ်။ ဒါပေမယ့် တစ်လလောက် ကြာလည်း သူ့ဆီ ရောက်မလာခဲ့ ပါဘူး။ ဘယ်ကို ရောက်နေလဲ ဆိုတာလည်း ဆက်သွယ်လို့ မရပါဘူး။ သူ့ခမျာ ပူပင်သောကတွေ၊ ခံစားမှု ဝေဒနာတွေကို အရက်နဲ့ပဲ ဖြေသိမ့်နေရ ပါတယ်။ နောက် တစ်လလောက် ကြာတော့ သူ့မိန်းမ ရူးကြောင်ကြောင်၊ ပေါသွပ်သွပ်နဲ့ ရွာပြန်ရောက်နေပြီတဲ့..။ သူ ရွာကို ဖုန်းဆက်ပြီး မေးကြည့်တော့ အောက်လမ်းနဲ့ လုပ်ကြံခံရတယ်ပဲ သူသိရပါတယ်။ ဒါပေမယ့် လမ်းမှာ သူ့မိန်းမ ဘာတွေ ဖြစ်ပျက်ခဲ့သလဲ ဆိုတာ သူလုံးဝ မသိရပါဘူး..။



အဲဒီလို သူ့မိန်းမကို သူ စွန့်လွှတ် ဆုံးရှုံးခဲ့ရပြီး.. ဒီအဖြစ် အပျက်တွေက ကျွန်တော်နဲ့ တွေ့တော့ တစ်နှစ်လောက် ကြာမြင့်ခဲ့ပါပြီ။ ဒါပေမယ့် သူက ပိုက်ဆံလည်း မစု၊ အရက်တွေပဲ သောက်နေခဲ့ တော့တာ။ ကျွန်တော်က သူ့ကို မေးလိုက်ပါတယ်။ အစ်ကို့မှာ မိန်းမတစ်ယောက် ဆုံးရှုံးလို့ အိမ်ထောင်တစ်ခုလည်း ပျက်ဆီးပြီးပြီ။ ဒါပေမယ့် အစ်ကို့မှာ ကလေးနှစ်ယောက် ရှိတယ်နော်လို့ ကျွန်တော်က ပြောလိုက်ပါတယ်။ အဲဒီ အစ်ကို့ကလေး နှစ်ယောက်ကို ပြုစုပျိုးထောင်ရမယ့် တာဝန်တွေ ရှိတယ်၊ အစ်ကို့သား နှစ်ယောက်ကို အစ်ကို တကယ် မချစ်ဘူးလားလို့ ကျွန်တော်က မေးကြည့်လိုက်ပါတယ်။ သူက ဟာ ချစ်တာပေါ့ ကွာတဲ့။ ဒါဆိုရင် အစ်ကို့ဘ၀မှာ ဖြစ်ချင်တာတွေ၊ လုပ်ချင်တာတွေ၊ ပိုင်ဆိုင်ချင်တာတွေ အားလုံး ဘာတစ်ခုမှ မရခဲ့ပေမယ့်၊ ဆုံးရှုံးစွန့်လွှတ်လိုက်ရ ပေမယ့် အစ်ကို့ သားသမီးနှစ်ယောက်ကို ပညာစုံအောင်၊ လူဘုံအလယ်မှာ မျက်နှာပန်း လှအောင်၊ အစ်ကို့ဘ၀ ဆုံးရှုံးခဲ့ပေမယ့် အစ်ကို့ သားသမီး နှစ်ယောက်ရဲ့ ဘ၀ မဆုံးရှုံးသင့်တာတွေ မဆုံးရှုံးရအောင် အစ်ကို လုပ်မပေးချင်ဘူးလား လို့ ကျွန်တော် မေးကြည့်လိုက်ပါတယ်။ သူက လုပ်ပေးချင်တာပေါ့ကွာ တဲ့။ ဒါဆိုရင် အစ်ကို့ရဲ့ စိတ်ခံစားမှု ဝေဒနာတွေ ပျောက်အောင် အစ်ကို အရက်သောက်နေတာ မဟုတ်လားလို့ ကျွန်တော် မေးကြည့်လိုက် ပါတယ်။ သူက ပြုံးစိစိနဲ့ ခေါင်းညိတ်နေခဲ့တယ်။ အေးလေ ဒါဆိုရင် အစ်ကို့ စိတ်ချမ်းသာအောင် အစ်ကို လုပ်နေတာနဲ့ အတူတူပါပဲ။ အစ်ကို့ သားသမီးကို မေတ္တာစစ် မေတ္တာမှန်နဲ့ ချစ်နေတာ မဟုတ်ဘူး။ အစ်ကို စိတ်ချမ်းသာအောင် အစ်ကို ခံစားမှု ဝေဒနာတွေ ပျောက်အောင် အစ်ကို ဖြေသိမ့်နေတာ.၊ အစ်ကို့ကိုယ် အစ်ကိုပဲ ချစ်နေတာပါ။ အစ်ကို့ သားသမီးကို တကယ်ချစ်တာ မဟုတ်ဘူးနော် လို့ ပြောလိုက်ပါတယ်။ သူ့ကို စစ်မှန်တဲ့ မေတ္တာတရား အကြောင်းကို တော်တော်များများ ရှင်းပြလိုက် ပါတယ်။ နောက် ကျွန်တော်က ပြောလိုက်ပါ သေးတယ်။ အစ်ကုိ့ လစာ တစ်ဝက်ကိုစု တစ်ဝက်ကို သုံးပေါ့။ ငါးနှစ်လောက် ဆိုရင် အစ်ကိုမြန်မာပြည် ရွာကို ပြန်နိုင်ပြီပေါ့လို့ ပြောလိုက်တော့.. သူက ငါးနှစ် မပြောနဲ့၊ လစာ တစ်ဝက် မပြောနဲ့၊ တစ်ပြားမှ မကျန်ဘူးတဲ့..။ ကျွန်တော်လည်း သူ့ကို ကြည့်ပြီး စိတ်ပျက်ရုံပဲ ရှိတော့တယ်။ စိတ်ထဲကတော့ ဆုတောင်းပေးလိုက်ပါတယ်၊ စစ်မှန်တဲ့ မေတ္တာတရားကို နားလည်နိုင်ပါစေ.. လို့..။

မှတ်ချက်။ ။စစ်မှန်တဲ့ မေတ္တာတရားကို မထားနိုင်ကြတဲ့ လူတွေဟာ ပျက်စီးသွားကြ တာပါ။
ထိုက်ဦး...ညီကိုဖိုးသားကူညီရေးပေးသည်။

လောကဓံဟူသည်

လောကရှိလူသားတိုင်း တွေ့ကြုံရမည့် သဘောတရားကို လောကဓမ္မ(လောကဓံ)ဟု ခေါ်၏။ လူသားတိုင်း မဖြစ်မနေ တွေ့ကြုံခံစားရမည့် ယင်းလောကဓံ တရားများမှာ ၁။ လာဘ်လာဘပေါများခြင်း၊ ၂။ လာဘ်လာဘမရှိခြင်း၊ ၃။ အခြံအရံ မိတ်ဆွေအပေါင်းအသင်း ပေါများခြင်း၊ ၄။ အခြံအရံ မိတ်ဆွေအပေါင်းအသင်း မရှိခြင်း၊ ၅။ ချီးမွမ်းခံရခြင်း၊ ၆။ ကဲ့ရဲ့ခံရခြင်း၊ ၇။ ချမ်းသာခြင်း၊ ၈။ ဆင်းရဲခြင်းဟူသော ဤတရားရှစ်ပါးပင် ဖြစ်၏။ ဤတရားရှစ်ပါးကို မတွေ့ကြံဖူးသူ၊ မခံစားဖူးသူ တစ်စုံတစ်ယောက်မျှ ရှိမည်မဟုတ်ပေ။ အားလုံးတွေ့ကြုံ ခံစားဖူးကြမည်သာ ဖြစ်၏။ လောကဓံတရားရှစ်ပါးတွင် အကောင်းလောကဓံ ရှိသကဲ့သို့ အဆိုးလောကဓံလည်း ရှိ၏။ သို့သော် အကောင်းလောကဓံနှင့် ကြုံသည့်အခါ အားလုံးနှစ်သက် သဘောကျကြပြီး မည်သူကမျှ `ဒါလည်းပဲ လောကဓံပါလား`ဟု တွေးကာ သတိနဲ့နေမှပဲဟူသည့် အတွေးမရှိကြပေ။ စင်စစ် ဤအကောင်း လောကဓံသည်လည်း မည်သူမဆို မလွဲမသွေ တွေ့ကြုံရမည့် လောကဓံပင်ဖြစ်၏။ မည်သူမျှ အကောင်းချည်းပဲ မရှိနိုင်သကဲ့သို့ အဆိုးချည်းများနှင့်လည်း မရှိနိုင်ပေ။ အကောင်းအဆိုးတွဲပြီး ကြုံတွေ့နေကြ ရမည်သာ ဖြစ်၏။ ပုထုဇင်များ၏သဘောကား ကောင်းသည်များကိုသာ လိုလားနှစ်သက်ကြ၏။ အကောင်းများနှင့်သာ ကြုံတွေ့နေလိုကြ၏။ သို့အတွက်ကြောင့်လည်း အဆိုးလောကဓံနှင့် ကြုံတွေ့သည့်အခါ အလွယ်တကူ ပျက်ဆီးသွားကြခြင်းဖြစ်၏။ စင်စစ် အဆိုးလောကဓံကြောင့် ပျက်ဆီးနိုင်သကဲ့သို့ အကောင်း လောကဓံကြောင့်လည်း ပျက်ဆီးနိုင်ပေ၏။ သိပ်ချမ်းသာသည့်သူများ ဘ၀ပျက်နေကြသည်ကို တွေ့ကြရပေမည်။ ထိုသူများသည် အကောင်းလောကဓံကို မခံနိုင်သဖြင့် ပျက်ဆီးနေကြရခြင်းဖြစ်၏။

မြတ်စွာဘုရားရှင်က အကောင်းလောကဓံနှင့် ကြုံသည့်အခါ အလွန်အကျွံ မပျော်မိကြရန်၊ မခံစားမိကြရန်၊ အဆိုးလောကဓံနှင့် ကြုံသည့်အခါတွင်လည်း အလွန်အကြူး စိတ်မညစ်ရန်၊ စိတ်ဓာတ်မကျရန်နှင့် ဤအကောင်းအဆိုးဟူသည်များမှာ လောကဓံတရားများပါလားဟု သတိကပ်ကာ ခံနိုင်ရည်ရှိအောင် ကြိုးစားကြရန် မိန့်ကြားတော်မူ၏။ မှန်၏။ ဤအကောင်းအဆိုး လောကဓံတရားများသည် လူတစ်ယောက်၏ ဘ၀ကို ပြောာင်းလွဲသွားနိုင်၊ ပျက်ဆီးသွားနိုင်ပေ၏။ မျက်မှောက်ခေတ်တွင် လောကဓံတရားကို မခံနိုင်ကြသဖြင့် ပျက်ဆီးသွားကြသူများကို အားလုံးတွေ့ကြုံဖူးကြမည် ဖြစ်၏။

အချို့ လာဘ်လာဘ ပေါများမှုဟူသော လောကဓံကို မခံနိုင်ကြသဖြင့် ပျက်ဆီးသွားကြ၏။ လာဘ်လာဘများသဖြင့် အပျော်အပါး အလွန်လိုက်စားကာ မိမိကိုယ်ကို မိမိမထိန်းနိုင်ဖြစ်ကုန်ကြ၏။ ယင်းအပျော်အပါးများကြောင့်ပင် ကိုယ့်ကျင့်တရားများလည်း ပျက်ဆီးသွားတတ်ကြ၏။ အရာရာ ငွေနှင့်ရှင်းလျှင် ဖြစ်သည်ဟူသော အတွေးဖြင့် လုပ်ချင်ရာလုပ်မိတတ်ကြ၏။ နောက်ဆုံး နားထင်သွေးရောက်ကာ ထင်ရာဆိုင်းမိကြသဖြင့် ဘ၀ပါပျက်ဆီး သွားတတ်ကြ၏။ ဤသည်မှာ လာဘ်လာဘ ပေါများမှုဟူသော လောကဓံကို မခံနိုင်ကြ၍ဖြစ်၏။ ထို့ကြောင့် လာဘဟူသော လာဘ်လာဘ ပေါများသည့်အခါတွင်လည်း `ဒါလည်းပဲ လောကဓံပါလား`ဟူသော အတွေးဖြင့် သတိပြုဆင်ခြင်ရန် လိုအပ်၏။ အချို့လည်း အလာဘဟူသော ပစ္စည်းလာဘ်လာဘ မရှိသဖြင့် လာဘ်လာဘရအောင် ကြိုးစားရင်း ပျက်ဆီးသွားကြသည်များလည်း ရှိ၏။ မိမိတို့ရှိသမျှ ရသမျှလေးများဖြင့် မရောင့်ရဲနိုင်ကြသဖြင့် ပို၍ရအောင် ကြိုးစားကြရင်း ရေတိမ်နစ်သွားတတ်ကြ၏။ အထူးသဖြင့် မိန်းကလေးများမှာ ဤလောကဓံကြောင့် ပိုမိုပျက်ဆီးတတ်ကြ၏။ အခြားသူများ ၀တ်စားသကဲ့သို့ ၀တ်ချင်စားချင်ကြသဖြင့် မှန်ကန်သည့်လမ်းကို မရွေးချယ်ကြဘဲ အလွယ်ရသည့်နည်းဖြင့် ကြိုးစားကာ လာဘ်လာဘ ရအောင်ရှာဖွေကြရင်း မိမိခန္ဓာကိုယ်ကို ရောင်းစားသည်အထိ ဖြစ်တတ်ကြ၏။ ဤသည်မှာ အလာဘဟူသော လာဘ်လာဘမရှိမှု လောကဓံကို မခံနိုင်ကြ၍ဖြစ်၏။

ထို့အတူ အခြံအရံ မိတ်ဆွေအပေါင်းအသင်း ပေါများခြင်း၊ မိတ်ဆွေအပေါင်းအသင်းမရှိ တစ်ယောက်တည်း အထီးကျန်ဖြစ်ခြင်းဟူသော လောကဓံတရားနှစ်ပါးနှင့် ကြုံသည့်အခါတွင်လည်း ခံနိုင်ရည်ရှိဖို့လို၏။ အချို့ မိတ်ဆွေ အပေါင်းအသင်းပေါများသဖြင့် အပေါင်းအသင်းများနှင့်သာ အချိန်ကုန်ပြီး မိမိအကျိုး ပျက်ဆီးမှုများရှိတတ်၏။ အပေါင်းအသင်းများတွင် မကောင်းသည့်မိတ်ဆွေ အပေါင်းအသင်းပါလာ ပါက ထိုအပေါင်းအသင်းကို အကြောင်းပြု၍ ယခင်ကမလုပ်တတ်သော မကောင်းသည့်အလုပ်များကို လုပ်လာတတ်သည်အထိ ဖြစ်တတ်၏။ စင်စစ် အခြံအရံ အပေါင်းအသင်းပေါများမှုသည် လာဘ်လာဘ ပေါများမှုနှင့်လည်း ဆက်စပ်မှုရှိ၏။ မိမိက သုံးနိုင်ဖြုန်းနိုင် စားသောက်နိုင်သဖြင့် အခြံအရံ အပေါင်းအသင်း ပေါများမှုလည်း ဖြစ်နိုင်၏။ မိမိတွင် ဘာမျှမရှိသည့်အခါ မိတ်ဆွေအပေါင်းအသင်းများသည်လည်း ကြက်ပျောက်ငှက်ပျောက် ပျောက်သွားတတ်၏။ ထို့ကြောင့် အခြံအရံ အပေါင်းအသင်းပေါများမှု ရှိသည့်အခါ တွင်လည်း အလွန်အကျူး မဖြစ်ဖို့၊ မပျော်မိဖို့၊ မိမိအကျိုးပျက်သည်အထိ မဖြစ်ဖို့၊ အခြံအရံ အပေါင်းအသင်း ပေါများခြင်းဟာလည်း လောကဓံတစ်ခုပါလားဟု ဆင်ခြင်ကာ ခံနိုင်ရည်ရှိအောင် ကြိုးစားတတ်ဖို့ လိုအပ်၏။ အခြံအရံ မိတ်ဆွေအပေါင်းအသင်းမရှိ တစ်ယောက်တည်း အထီးကျန်ဖြစ်နေသည့်အခါတွင်လည်း နေတတ်အောင် ကြိုးစားဖို့ လိုအပ်၏။ တစ်ခါတစ်ရံ တစ်ယောက်တည်း ဖြစ်နေသည်က ကောင်းသည့်အခါမျိုးလည်း ရှိတတ်၏။ အပေါင်းအသင်းပေါများသည့်အခါ ထိုအပေါင်းအသင်းများကို အမှီပြု၍ မသွားချင်ဘဲသွားရ၊ မပြောချင်ဘဲလည်း ပြောရ၊ မစားချင်ဘဲလည်း စားရသည့်အဖြစ်မှ ကင်းနိုင်၏။ တစ်ယောက်တည်းဖြစ်နေသဖြင် မိမိလုပ်ချင်သည့် အလုပ်ကိုလွတ်လွတ်လပ်လပ် လုပ်ခွင့်ရတတ်၏။ စင်စစ် ကိလေသာဟူသည် မမြင်အပ်ရာ ကိလေသာ သူ့ဟာသူငြိမ်း၏ ဟူသော မဟာစည်ဆရာတော်ကြီး အဆုံးအမနှင့်အညီ တစ်ယောက်တည်းရှိနေသဖြင့် အပြင်မထွက်ဖြစ်သည့်အခါ အပြင်သွားသဖြင့် တွေ့ရမည့် အာရုံများကို အမှီပြု၍ ဖြစ်ရမည့် အကုသိုလ်များ မဖြစ်နိုင်ပေ။ ထို့ကြောင့် တစ်ယောက်တည်း နေတတ်အောင် ကြိုးစားသည့် အလေ့အကျင့်ကို လုပ်ပေးသင့်၏။ တစ်ယောက်တည်းနေတတ်လာလျှင် အယသဟူသော အခြံအရံ မိတ်ဆွေအပေါင်းအသင်းမရှိ တစ်ယောက်တည်း အထီးကျန်ခြင်းဟူသော လောကဓံကိုလည်း အလိုလို ခံနိုင်ရည် ရှိသွားမည်ဖြစ်၏။

လောကရှိလူတိုင်း တွေ့ကြံရမည့် အရေးအကြီးဆုံး လောကဓံမှာ ကဲ့ရဲ့ခြင်း၊ ချီးမွမ်းခြင်းဟူသော ဟူသော လောကဓံပင်ဖြစ်၏။ မည်သူမဆို အကဲ့ရဲ့ ခံရဖူးကြသည်သာဖြစ်၏။ ကဲ့ရဲ့ခံရခြင်းမှ ကင်းလွတ်သူ တစ်ယောက်မျှ ရှိမည်မဟုတ်ပေ။ သာမန်သူများ မဆိုထားဘိ မြတ်စွာဘုရားရှင်သော်မှလည်း ကဲ့ရဲ့မှုဒဏ်မှ မလွတ်ခဲ့ပေ။ ထို့ကြောင့် မြတ်စွာဘုရားရှင်က ကဲ့ရဲ့မှုနှင့် ပတ်သက်၍ အတုလဥပသကာဝတ္ထုတွင် အောက်ပါအတိုင်း ဟောကြားတော်မူခဲ့၏။
``အို…အတုလ… ဤကဲ့ရဲ့ခြင်းသည် ရှေးရိုးအစဉ်အလာပေတည်း။ ဤကဲ့ရဲ့ခြင်းသည် ယခုမှဖြစ်သည် မဟုတ်။ ဆိတ်ဆိတ်နေသူကိုလည်း ကဲ့ရဲ့ကုန်၏။ များစွာဟောပြောသူကိုလည်း ကဲ့ရဲ့ကုန်၏။ နှိုင်းခိုင်း၍ပြောသူကိုလည်း ကဲ့ရဲ့ကုန်၏။ လောက၌ အကဲ့ရဲ့လွတ်သောသူမည်သည် မရှိ။ လုံးဝအကဲ့ရဲ့ခံရသူမည်သည် ရှေးကလည်း မရှိခဲ့၊ နောင်အခါလည်း ရှိလိမ့်မည်မဟုတ်၊ ယခုအခါ၌လည်း မရှိ။``
မှန်၏။ ဘုရားရှင်ဟောတော်မူခဲ့သည့် အတိုင်းပင် လောကတွင်ကဲ့ရဲ့ခံရခြင်းမှ ကင်းသောသူ မည်သည်မရှိသည့်အတွက် ကဲ့ရဲ့ခြင်းနှင့်ကြုံတွေ့ပါက မတုန်မလှုပ်ခံနိုင်ရည်ရှိအောင် ကြိုးစားလေ့ကျင့်ပေးဖို့ လိုအပ်၏။ ဤအတူပင် ချီးမွမ်းခြင်းနှင့် ကြုံသည့်အခါတွင်လည်း ခံနိုင်ရည်ရှိအောင် ကြိုးစားရ၏။ စင်စစ် ချီးမွမ်းခြင်းများကို ပြန်ကြည့်ပါက မိမိနှင့်အဆင်ပြေ၊ မိမိကျေးဇူးနှင့် မကင်းဘဲရှိနေသည့်အခါတွင် မိမိကို ၀ိုင်းဝန်းချီးမွမ်းနေကြမည်ဖြစ်ပြီး မိမိနှင့်အဆင်မပြေပါက ၀ိုင်းဝန်းကဲ့ရဲ့ကြမည်မှာ ဓမ္မတာပင်ဖြစ်၏။ ချစ်လျှင်အပြစ်မမြင်ဟူသော မြန်မာစကားအတိုင်းပင် မိမိနှင့်ချစ်ခင် ကျွမ်းဝင်နေ၊ သင့်မြတ်နေပါက မည်သူမျှ အပြစ်ပြောကြမည် မဟုတ်ပေ။ သို့သော် အဆင်မပြေဖြစ်ပြီးဆိုက ၀ိုင်းဝန်းချီးမွမ်းကြသော ထိုသူများကပင် ပြန်၍အပြစ်ပြော ကဲ့ရဲ့တတ်ကြ၏။ ထို့ကြောင့် ချီးမွမ်းခံရသည့်အခါတွင်လည်း နားထင်သွေးမရောက်ဖို့ မိမိကိုယ်ကို အထင်မကြီးဖို့ သတိမလွတ်ဖို့ အထူးလိုအပ်၏။ ဤချီးမွမ်းမှုသည်လည်း ခဏပါပဲဟု ဆင်ခြင်တတ်ဖို့ လိုအပ်၏။ လူတိုင်းလူတိုင်း ကောင်းသည့်စကား၊ ချီးမွမ်းသည့်စကားကိုသာ ကြားလိုကြ၏။ သို့သော် အမြဲမကြားနိုင်ကြပေ။ အဘယ့်ကြောင့်ဆိုသော် ဘာမှမမြဲခြင်းဟူသည့် သဘောကပင် အတတ်အကျ၊ အနိမ့်အမြင့်သဘောကို ဆောင်နေသောကြောင့် ဖြစ်၏။

နောက်ဆုံးလောကဓံ နှစ်ခုဖြစ်သည့် ချမ်းသာခြင်း၊ ဆင်းရဲခြင်းသဘောသည်လည်း လောကသားတိုင်း ရှောင်လွဲ၍မရ ဧကန်မုချ ရင်ဆိုင်ကြုံတွေ့ရမည့် လောကဓံတရားများ ဖြစ်၏။ စင်စစ် နိဗ္ဗာန်ချမ်းသာမှတစ်ပါး လောကသတ်မှတ်ကြသည့် ချမ်းသာများသည် အစစ်အမှန် ချမ်းသာများ မဟုတ်ကြပေ။ တဒင်္ဂချမ်းသာများသာ ဖြစ်၏။ တဒင်္ဂဟူသည် အမြဲမဟုတ်သည့်အတွက် ယင်းချမ်းသာများသည် အချိန်မရွေးပြောင်းလဲနိုင်၊ ပျောက်ပျက်နိုင်၏။ ထို့ကြောင့် လောကချမ်းသာသည်ဟု ဆိုသောတဒင်္ဂ ချမ်းသာများအပေါ် အမြင်မမှားဘဲ အချိန်မရွေး ပြောင်းလဲနိုင်သည့် အရာများဟု သတိပြုကာ ယင်းချမ်းသာခြင်းဟူသော လောကဓံကိုလည်း ခံနိုင်အောင် ကြိုးစားရပေမည်။ ချမ်းသာသည့်အခိုက်တွင် အကျိုးရှိသည်များကို ကြိုးစားလုပ်ကိုင်ရပေမည်။ ချမ်းသာမှု၏နောက်ကွယ်တွင် ဆင်းရဲမှုရှိနေသဖြင့် အချိန်မရွေး ဆင်းရဲသွားနိုင်သည်ကို သတိပြုကာ ချမ်းသာခြင်းဟူသော လောကဓံအပေါ် မယဇ်မူးကြရန် လိုအပ်ပေ၏။ လောက၌ပစ္စည်းဥစ္စာ ချမ်းသာသည်ဟု ဆိုသူများသည် မိမိတို့၏ ချမ်းသာများသည် ရန်သူမျိုးငါးပါးကြောင့် အချိန်မရွေး ပျက်ဆီးသွားတတ်ကြသည့်သဘောကို အထူးဆင်ခြင်ရန် လိုအပ်လှ၏။ ထင်ရှားသည့် သာဓကပြရလျှင် နာဂစ်မုံတိုင်းကြောင့် ပျက်ဆီးသွားကြသည့် မိသားစုများ၊ ဆင်းရဲမွဲတေသွားကြ သည့် သူဋ္ဌေးများကို အနီးဆုံးသာဓကအဖြစ် ပြရပေမည်။ ထိုသူများ၏ ချမ်းသာသည် ဆင်းရဲခြင်းဟူသော အဖြစ်သို့ ရောက်သွားခဲ့ရ၏။ တဒင်္ဂဟူသော သဘောကို ၎င်းတို့က ထင်ဟတ်ပြနေ၏။ ထို့ကြောင့် ချမ်းသာမှု၊ ဆင်းရဲမှုဟူသည်များသည် အခိုက်အတန့်မျှသာ ဖြစ်သည်ဟု ဆိုကြခြင်းဖြစ်၏။ ထိုအခိုက်အတန့်ဖြစ်သည် ကိုပင် မိမိတို့က ခံနိုင်ရည်ရှိအောင် ကြိုးစားရမည်ဖြစ်၏။ ချမ်းသာ၊ ဆင်းရဲဟူသော လောကဓံတို့တွင် မည်သို့သော လောကဓံနှင့်ကြုံကြုံ မတုန်မလှုပ် ရင်ဆိုင်နိုင်အောင် ကြိုးစားသင့်၏။

စင်စစ် လောကဓံတရားကို ရင်ဆိုင်ရန်မှာ အပြောလွယ်သလောက် အလုပ်ခက်လှ၏။ သာမန်လူများ အဖို့ကား ကျော်လွှားရန်မလွယ်လှပေ။ သို့သော် အလွယ်နည်းတစ်နည်းကား ရှိ၏။ အခြားမဟုတ်။ ၀ိပဿနာ တရားအားထုတ်ထားသူများသည် အလွယ်တကူ ရင်ဆိုင်နိုင်၏။ တရားအားထုတ်စဉ် တွေ့ကြုံရသည့် ခန္ဓာကိုယ်၏ ဒုက္ခများနှင့် ဝေဒနာများကို သီးခံအားထုတ်ထားပါက အပြင်လောက၌ ကြုံတွေ့ရသည့် လောကဓံများကို ကောင်းစွာခံနိုင်၊ ကျော်လွှားနိုင်၏။ ခန္ဓာကိုယ်ဒုက္ခများနှင့် ယှဉ်ပါက အပြင်လောကဓံများသည် အသေးအဖွဲလေးမျှသာ ဖြစ်ကုန်၏။ အရာအားလုံးသည် မမြဲဟူသော အနိစ္စသဘောကို တရားအားထုတ်ခြင်းဖြင့် ကောင်းစွာလက်ခံ သဘောပေါက်ထားပါက မည်သို့သော အကြောင်းကိစ္စများနှင့်ကြုံကြုံ ဖြေနိုင်သွား၏။ ထို့ကြောင့် လောကဓံတရားကို ကောင်းစွားရင်ဆိုင် ကျော်လွှားလိုပါက တရားသာ များများအားထုတ်ကြပါဟု တိုက်တွန်းလိုပါသည်။

နိဂုံးချုပ်အနေအားဖြင့် လောကဓံဟူသည် လောကရှိလူသားတိုင်း မလွဲမသွေ ရင်ဆိုင်ကြုံတွေ့ရမည့် တရားဖြစ်၍ အကောင်းအဆိုး မည်သို့ပင်ကြုံကြုံ မတုန်မလှုပ်ခံနိုင်ရည်ရှိအောင် တရားအားထုတ်ခြင်းဖြင့် ရင်ဆိုင်ကျော်လွှားကြပါစို့ဟု ထပ်မံတိုက်တွန်းစကားပြောကြားရင် ဤဆောင်ပါးကို အဆုံးသတ်လိုက်ပါသည်။


စာရေးသူ = ဘုန်းဘုန်း ဦးဝိစိတ္တ ။ ရေးသားချိန် 9:56 PM

စုစည်းထားမှု = ၄။ ဓမ္မရသစာစုများ

စိတ်သဘောထားပြောင်းကြည့်ပါ

စိတ်သဘောထား ပြောင်းရမှာ မကြောက်ပါနဲ့။ဘယ်ထင်မြင်ချက် ၊ဘယ်ဆုံးဖြတ်ချက်ဖြစ်ဖြစ် အမှန်တရားနဲ့ နီးစပ်တယ်လို့  ယူဆရတာထက် မပိုပါဘူး။ပြင်သင့်ရင်ပြင်ရမှချည်းပဲ။အတွေးဟောင်းတွေချည်း ဆက်တွေးနေတာထက်၊ဥာဏ်အမြော်အမြင်နဲ့ သတ္တိအရာမှာသာအောင် လုပ်ပြီး စိတ်သဘောထား ပြောင်းကြည့်လိုက်ပါ။စိတ်ကူးသစ်တွေကို လက်သင့်ခံလိုက်ပါ။
ရော့စကိုးဒရမ္မာန်
စိတ်သဘောထားပြောင်းကြည့်ပါ


အတော်ကောင်းတဲ့စကားပဲ။ပြောသွားလိုက်ပုံကလည်း ရှင်းရှင်းပြတ်ပြတ်နဲ့သတ္တိရောခွန်အားပါ အပြည့်အ၀ပါတယ်။မြန်မာ့အမျိုးသားခေါင်းဆောင်ကြီး ဗိုလ်ချုပ် အောင်ဆန်း ကလည်း သူ့ရဲ့ကိုယ်တိုင်ရေး အထ္ထုပ္ပတ္တိ ထဲမှာ ဒီသဘောမျိုးရေးထားတာ သတိရမိတယ်။
“လူတယောက်ဧ။် သက်တမ်းတွင် အစ ပထမ ကသိမြင်လာသော စိတ်နေစိတ်ထား ၀ါဒတို့ သည် အမှန်ချည်းမဟုတ်။ပြုပြင်ပြောင်းလဲရမည်သာတည်း။
ယနေ့အယူအဆနှင့် နက်ဖြန် အယူအဆတို့မှာ တူချင်မှတူပေမည်။အမှန်ကား လူတဦးဧ။်ဘ၀တွင် ကျွန်ုပ် တို့ သည် အယူဝါဒပြောင်းလဲခြင်းများကို
တွေ့ရသောအခါ ထိုလူသည် သမာဓိမတည် ၊ရှေ့နောက်မညီဟု ထင်မှတ်မှားလေသည်။သမာဓိ မတည်ခြင်းသည် ကိုယ်ကျင့်တရား ဖောက်လွဲဖောက်ပြန်
ဖြစ်ခြင်းပေတနည်း။ ၀ါဒပြောင်းမှုမှာ ဉာဏ်အမြင်ဧ။်ပြောင်းလဲမှုကြောင့် သမာဓိမတည်ခြင်း မဟုတ်ပေ။ တနည်း တိုးတက်ခြင်းပေတည်း“.....တဲ့။
ဗိုလ်ချုပ်စကားလဲ ကောင်းတာပဲ။ဒါပေမယ့် အပြောင်းအလဲ လုပ်ဖို့  တိုက်တွန်းရတဲ့အထဲမှာ စိတ်သဘောထားပြောင်းဖို့  တိုက်တွန်းရတာလောက် ခက်ခဲတာတော့ ရှိမယ်မထင်ဘူး။လူ့သဘာဝ ကိုယ်နှိုက်က အပြောင်း အလဲ ကို ငြင်းဆန်တတ်တယ်။အလေ့အထဖြစ်လာတာ ကျင့်သားရလာတာ တစ်ခုဆိုရင် လွယ်လွယ်နဲ့ မစွန့်လွှတ်ချင်ဘူး ။စားနေကျ အစားအစာ ၊လုပ်နေကျ အလုပ်၊နေနေကျအရပ်တွေကို အင်မတန်စွဲလန်းခင်တွယ် တတ်တယ်။ဒါကြောင့် မြို့ကလူတောရောက်ရင် နေနိုင်လှ တစ်ပတ်ပဲ။တစ်ပတ်ကကျော်လို့  နှစ်ပတ်ဆို မနေနိုင်တော့ဘူး။မြို့ကိုပြန်ချင်ပြီ။ တောကလူ မြို့ရောက်တော့ သာတောင်ဆိုးသေး။တစ်ပတ်ဝေးလို့  နှစ်ရက် သုံးရက်ဆိုရင်ပဲ မျက်စိမျက်နှာ ပျက်ချင်နေပြီ။အဆင်မပြေဘူး။တညည်းညည်းတညူညူနဲ့ ပြန်ဖို့  အထုတ် တပြင်ပြင်ဖြစ်နေပြီ။လိုက်ပို့ ပါ့မယ် ပြောထားတဲ့ကြားက လူကြုံမြင်တာနဲ့ မျက်စပစ်ပြီး ကောက်ကောက်ပါအောင် ထလိုက်၊တစ်ကြိုးတည်း ပြန်ပြေးတော့တာပဲ။
ဒီလိုနဲ့ ဘူးခါးရေနဲ့ ကြမ်းကြားလေကို မခွဲနိုင် မခွာရက်ဖြစ်တဲ့ လူက ဖြစ်သလို မိုးလင်းလာရင် လ္ဘက်ရည်နဲ့အီကြာကွေးကို လက်လွတ်မခံနိုင် ဖြစ်တဲ့လူကလည်း ဖြစ်လာကြတယ်။ လမ်းလျှောက်ရင်း ရွာထိပ်က အကြော်တဲလေးမှာ အကြော်ဝင်ဝယ် ၊အိမ်ရောက်တော့ ထမင်းကြမ်းခဲဘေး ဆားလေပုံပြီး၊အကြော်နဲ့စားရတာကို နတ်သုဒ္ဓါနဲ့ မလဲနိုင်အောင် အရသာတွေ့တဲ့လူကတွေ့မယ်။အဆာပြေစားဖို့  အရေး အိမ်ကနေ သုံးလေး မိုင်လောက်ဝေးတဲ့ စာသောက်ဆိုင်ကောင်းကောင်းရှိရာ ကိုယ်ပိုင်ကားနဲ့ထွက်ဝယ် ၊အိမ်ရောက်မှ ရွှေတောင်ခေါက်ဆွဲတို့  နန်းကြီးသုတ်တို့ ကို မိသားတစ်စုမြိန်ရေ ရှက်ရေ စားရတာလောက် ကောင်းတာဘာရှိသေးလဲလို့  စီးကရက်ခဲရင်း မေးတဲ့ လူက မေးတယ်။
ကဲ......အဲဒီအလေ့အကျင့်ပေါ်မှာ အမှီပြုပြီး ဖြစ်တည်လာတဲ့ စိတ်သဘောထားလောက်ကိုပဲ အပြောင်းအလဲလုပ်ဖို့  ကြိုးစားကြည့်မယ်တဲ့၊လွယ်မယ်ထင်းသလား။လုံးဝမလွယ်ဘူး။ထမင်းကြမ်းသမားကို နန်းကြီးသုတ်
ကျွေးကြည့်။ဟင်..မင်းတို့ ဟာကလည်း ပျစ်ချွဲချွဲ စေးထန်းထန်းနဲ့၊အလကား ကြက်သားဖတ်တွေ နှမျောစရာ၊ မနက်စာထမင်းနဲ့ကျမှ အဲဒီ ကြက်သားဟင်း ထည့်စားလိုက်ပြီးရောလို့  ပြောတော့မခက်လား။အဲ.နန်းကြီးသုတ်
ဆရာကိုတော့ ထမင်းကြမ်းနဲ့ သွားမလဲခိုင်းပါနဲ့၊ရိုင်းရာကျနေပါ့မယ်။
ဒါပေမယ့် ဘာပဲဖြစ်ဖြစ် ဒီလိုစားတဲ့ သောက်တဲ့ ကိစ္စလေးလောက် တောင်မှ စိတ်သဘောထား မပြောင်းနိုင်ရင် ဆင်းရဲတာ ချမ်းသာတာ အပထား၊အဲဒီလူ လူညံ့ပဲ ။နေရာတကာ ပုံသေမှတ်ထားပြီး အတွေးဟောင်း
၊အကျင့်ဟောင်းတွေနဲ့ပဲ တ၀ဲလည်လည် ဖြစ်နေလို့ ကတော့ လူ့လောက လူ့ဘ၀ အလှည့်အပြောင်းတွေကို အလိုက်သင့် အလျားသင့် လက်ခံကျင့်သုံးနိုင်တဲ့ အရည်အချင်း ရှိမှာမဟုတ်ဘူး။
အတွေးဟောင်းဆိုတာဘာလဲ?
ခုလုပ်စရာရှိတာ ရှေ့ဆက်လုပ်ရမှာတွေနဲ့ ပတ်သက်လို့  ဘယ်လို လုပ်သင့်တယ် ၊ဘယ်လိုဖြစ်သင့်တယ်ဆိုတာတွေနဲ့ ပတ်သက်လို့  မိမိကိုယ်တိုင် သူတပါးရဲ့အတွေ့အကြုံဟောင်း ၊အဖြစ်အပျက်ဟောင်း၊အလေ့အကျင့် ဟောင်းတွေပေါ်မှာအခြေစိုက်ပြီး ယုံကြည်၊ယူဆ၊စဉ်းစား၊ဆုံးဖြတ်တာပဲ။လူမှာ အဲဒီအတွေးဟောင်းတွေ အခြေခိုင်လာရင် ဘယ်ကိစ္စမဆို အမှန်အမှား၊အကောင်းအဆိုးကို လက်တွေ့ကျကျ ဓမ္မဓိဌာန် ဖြစ်အောင် မစစ်ဆေး ချင်တော့ဘူး။အစွဲတွေ ၊ကြိုက်တာမကြိုက်တာတွေကို ဦးစားပေးလိုလားရင် လက်ခံပြီးသား။မလိုလားရင်ငြင်းပယ်ပြီးသား ဖြစ်လာတတ်တယ်။လူပုဂ္ဂိုလ်နဲ့ ပတ်သက်လာရင်လည်း ကြိုတင် ဟောကိန်းထုတ်ပြီးသား၊တန်ဖိုး ဖြတ်ပြီးသား ဖြစ်နေတတ်တယ်။
“ဒီလူ မပါစေနဲ့၊သူပါရင်ပြဿနာတက်မှာပဲ”
“ဟိုကောင် ရောက်နေတယ်ဆို၊ဘယ့်နှယ့်လဲ.....မူး၊ရူးလာတာပဲမဟုတ်လား”
“သူပြောမယ့်စကားဆို လုံးဝ အယုံအကြည် မရှိဘူးဗျာ”
ဆိုတဲ့ ထင်မြင်ချက်တွေ ကောက်ချက်တွေဟာ အဲဒီအတွေးဟောင်း ပင်စည်ကဖြာထွက်လာတဲ့ အကိုင်းအခက်တွေပေါ့။
ဒီနေရာမှာ ပြောတဲ့လူရော အပြောခံရတဲ့လူပါ နှစ်ဘက်စလုံးမှာ လူ့အရည်အချင်း၊အဆင့်အတန်းနိမ့်ကျရာရောက်တယ်။ ပြောတဲ့လူဘက်ကိုကြည့်ရင် ဒီလိုပြောနိုင်ဖို့  ဘယ်လောက်များ ကြိုးပမ်းအားထုတ်လိုက်ရလို့ 
လဲ ၊ဖြစ်နိုင်ခြေတို့ ၊အလားအလာတို့ ၊ပြုပြင်ပြောင်းလဲနိုင်တာတို့ ၊ညှိနှိုင်းအဖြေရှာတာတို့  ဘာတခုများပါလို့ လဲ။သူ့မှာ အဆင်သင့် ရှိပြီးသားဖြစ်တဲ့ မှတ်ဉာဏ်ဟောင်းကို လက်တို့ လိုက်ရုံနဲ့ ထွက်လာတဲ့အဖြေပဲ။အပြောခံ ရတဲ့လူ ဘက်ကလည်း ပြောတဲ့အတိုင်း ဖြစ်ဖြစ်နေရင် ကိုယ့်အလေ့အကျင့်ဟောင်းကို မပြုပြင် မပြောင်းလဲနိုင်တဲ့အတွက် ညံ့ဖျင်းရာကျတယ်။
ဒါ့ကြောင့် စိတ်သဘောထားပြောင်းတယ်ဆိုတဲ့နေရာမှာ ဘက်ရှိလာမယ်ဆိုရင် နှစ်ဦးနှစ်ဘက်လုံးက ပြောင်းမှ အဓိပ္ပာယ် ရှိမယ်။ မှန်ကန်ပြည့်စုံမယ်။ တစ်ဘက်တည်းကပြောင်းရုံနဲ့တော့ အခြေအနေ တိုးတက် ကောင်းမွန်လာမှာ မဟုတ်ဘူး ။တစ်ဘက်က အရင်လက်ခံလာခဲ့တဲ့ “တစ်”ကို ခု လက်မခံထားတော့ပဲ ပြောင်းသွားပါပြီတဲ့၊ဒါပေမယ့် ကျန်တဲ့တဖက်က “တစ်“ မဟုတ်ရင် “နှစ်” ဖြစ်ရမှာပေါ့ဆိုပြီး မူသေကိုင်ထားမယ်ဆိုရင်
ပြေလည်မှာမဟုတ်ဘူး။တစ်မဟုတ်ရင်နှစ်ဖြစ်နိုင်သလို သုံး၊လေး အစရှိသဖြင့် ဖြစ်နိုင်တယ်။ဒါတင်မက နှစ်ပိုင်းတပိုင်း တ၀က် လဲဖြစ်နိုင်တာပဲ။ဖြစ်နိုင်ချေတွေ ပြောင်းလဲသွားနိုင်တဲ့ အလားအလာတွေ အများကြီးပဲ။
တကယ်တော့ အတွေးဟောင်းတွေကို စုံမက်ဖက်တွယ်ပြီး စိတ်သဘောထား အပြောင်းအလဲမလုပ်နိုင်တာ ဘာ့ကြောင့်လဲလို့  ဆန်းစစ်ကြည့်ရင် ကိုယ့်အယူအဆနဲ့ကိုယ် မှန်တယ်ထင်နေတုန်းမို့  မပြောင်းနိုင်တာက တချက်၊သူက မှန်တယ်ထင်နေသမျှ ပြောင်းမှာမဟုတ်ဘူး။နောက်တချက်က ကိုယ့်ကိုယ်ကို မမှန်မှန်းမသိသေးလို့  မပြောင်းနိုင်တာ၊သူက မမှန်မှန်း သိလာတဲ့အခါ ပြောင်းလဲဖို့  ကြိုးစာချင်ကြိုးစားနိုင်တယ်။ဆိုးတာက
မမှန်မှန်းသိပေမယ့် မထူးတော့ပါဘူးဆိုပြီး တမင် မပြောင်းလဲပဲနေတာ ၊ပြောင်းလိုက်ရင် အရူံးပေး၊အညံ့ခံရာရောက်မှာ၊အရှက်ကွဲမှစိုးလို့  မပြောင်းပဲတင်းခံနေတာ။အဆိုးတကာ့အဆိုးဆုံးကတော့ နဂိုကတည်းက
အငြိုး၊အာဃာတ ကြီးကြီးမားမား ရှိနေလို့  ၊သူဖြူရင် ငါမည်းမယ်ဆိုပြီး မျက်စိမှိတ် စုံကန်ငြင်း၊လက်သင့်မခံနိုင်၊သဘောထားမပြောင်းနိုင် ဖြစ်နေတာမျိုးပဲ။
အဲဒီအတွေးဟောင်းတွေကို အသေဆုပ်ပြီး အပြောင်းအလဲမလုပ်နိုင်တဲ့သူဟာ ဘ၀မှာတိုးတက်မှုမရှိနိုင်သလို စေ့စပ်ညှိနှိုင်းလို့  မရနိုင် ၊ဗဟုသုတနယ် မကျယ်နိုင်ဘူး၊စိတ်သဘောထား မကြီးနိုင်ဘူး။အဆုံးစွန်
ပြောရရင် တရားသံဝေဂလည်းမရနိုင်ဘူး။ဒါ့ကြောင့် ရော့စကိုဒရမ္မာန်က “ဉာဏ်အမြော်အမြင်နဲ့သတ္တိအရာမှာ သာအောင်လုပ်ပြီး စိတ်သဘောထားကို ပြောင်းလိုက်စမ်းပါ ” လို့ ဆိုခဲ့တာပေါ့။ ဟုတ်တယ် ၊ပညာဉာဏ်
အမြော်အမြင်ရှိမှ စိတ်သဘောထားပြောင်းလဲလို့ ရတာ။သတ္တိရှိမှလည်း ပြောင်းလဲလို့ ရတာပါ ။ လူသတ်ရဲပါတယ်ဆိုတဲ့သတ္တိနဲ့ အယူအဆဟောင်း အတွေးဟောင်းတွေကို စွန့်လွှတ်နိုင်တယ့် သတ္တိ၊ ဘယ်ဟာက
သတ္တိ အစစ်ဖြစ်တယ်၊ဘယ်သတ္တိက ပိုအင်အားကြီး ပိုပြောင်မြောက်တယ်ဆိုတာ လက်ညိုးတထောင် ပြည့်အောင် လိုက်ဖြတ်ခဲ့တဲ့ အဂုင်္လိမာလ က သက်သေပြခဲ့ပြီးပြီ။
နောက် ဉာဏ်အမြော်အမြင်ကိစ္စမှာလည်းကြည့်အုန်း ။ ဗုဒ္ဓ ကိုသတ်မယ်ဆိုပြီး အဂုင်္လိမာလ ကအပြေးလိုက်တော့ မမှီနိုင်အောင် ဖြစ်နေတဲ့အခါ “ရှင်ကြီးဂေါတမ ဘာဖြစ်လို့ ဒီလောက်ပြေးနေရတာလဲ၊သေမှာကြောက်
သလား” လို့ မေးတယ်။အဲဒီတော့ ဗုဒ္ဓ ကခပ်အေးအေးပဲပြန်ပြောလိုက်တယ်။
“အဂုင်္လိမာလ ငါမပြေးဘူး၊ ငါကရပ်နေတယ်၊သင်သာပြေးနေတာ။
သင်ဟာ ခုမှပြေးတာမဟုတ်ဘူး၊ သံသရာတလျှောက်လုံးပြေးခဲ့ရတယ်
နောက် ဘယ်ထိအောင် သင်ပြေးနေအုန်းမှာလဲ” တဲ့။
ဘာမှ ရှည်ရှည် ဝေးဝေး ပြောလိုက်တာမဟုတ်ဘူး။ စကားကတိုတိုလေးရယ်။ဒါပေမယ့် အဲဒီစကားတိုတိုလေးကြောင့်ပဲ အဂုင်္လိမာလ မှာ ဉာဏ်အမြော်အမြင် အကြီးအကျယ် နိုးကြားပြီး စိတ်သဘောထား ပြောင်းလဲ သွားတယ်။လက်ထဲကဓားကိုချ ၊လက်ညိုးပန်းကုံးကြီးကို စွန့်ပစ်ပြီး ဗုဒ္ဓ ရဲ့အဆုံးအမမှာ တည်ခဲ့တယ်။
ဒါပါပဲ ။စိတ်သဘောထားပြောင်းတယ်ဆိုတာ ဉာဏ်အမြော်အမြင်နဲ့သတ္တိအားကောင်းရင် စကားတခွန်းနဲ့လည်း ပြောင်းလဲသွားနိုင်တယ်။စာတပုဒ် ၊မြင်ကွင်းတကွက်ကြောင့်လည်း ပြောင်းလဲနိုင်တယ်။ဒီလိုပြောင်းလဲ
ခဲ့ကြတာ လူ့သမိုင်းတလျှောက်မှာ သက်သေပြစရာ အများကြီးပါ။ ဉာဏ်အမြော်အမြင်ကလည်းမရှိ ၊သတ္တိအင်အားကလည်း ခပ်နုံနုံ ဖြစ်နေလို့ ကတော့ စလေဆရာ ဦးပုညရေးခဲ့သလို-
“၀ထ္တုနိပါတ်၊ပိဋကတ်နှင့်၊လျှာပြတ်အောင် ဟောသော်လည်း၊ဟောရင်းသာ ပျံတော်မူမည်။
ဆန်ဖြူဖြူ တခွက်မျှ ထွက်မည့်ပုံ ပေါ်မှာမဟုတ်ဘူး” ဆိုတာပဲ။

ဒီတော့လည်း အတွေးဟောင်း၊စိတ်သဘောထားဟောင်းတွေရဲ့ ခိုင်းစေချက်အရ လက်ညိုးတထောင်ပြည့်နိုးပြည့်နိုး မျှော်ကိုးရင်း သံသရာတောနက်ကြီးထဲမှာ ဓားတရမ်းရမ်းနဲ့ မနားတမ်းပြေးနေမယ့်အစား
စိတ်သဘောထားလေးတွေပြောင်းကြည့်လိုက်ပါ။မွန်မြတ်တဲ့ ကိုယ်ကျင့်တရားနဲ့အတူ ကမ္ဘ္ဘ္ဘာလောကကြီးရဲ့ ကောင်းကြိုးချမ်းသာတွေကို ပိုင်ဆိုင်နိုင် ခံစားနိုင်လာမှာပေါ့။





မြင့်စိုးလှိုင် ဧ။် “စကားနောက်တရားပါ(၂)” မှကောက်နုတ်ပါသည်။
ဒီတော့ကျွန်တော်ပြောချင်တာကအမြင်လေးတွေပါနဲနဲလောက်ပြောင်းကြည့်ပါ
အားလုံးအဆင်ပြေပါလိမ့်မယ်
forward.ထဲကကူးယူထာတာပါ။ကျွန်တော်ဖတ်ဖို့

ရွှေမြန်မာ, ရေမြှုပ်ဗုံး, Black Dream နှင့် White Dream

ညီ
ခုရေးနေတဲ့ ဆောင်းပါးလေးကို ဆက်ရေးစေချင်ပါတယ်။ အကျိုးများမယ့် ဆောင်းပါးကောင်း တခု ဖြစ်ပါတယ်။ ဦးဇင်းတို့တွေအတွက် မအပ်စပ်ဖူးလို့ ထင်ရပေမယ့် ကိုယ့်တပည့်တွေနဲ့ ကိုယ့်ပတ်ဝန်းကျင်အတွက်တော့ အင်မတန်မှ အရေးပါတဲ့ အကြောင်းအရာတခုပါ။ ဆရာအောင်သင်းကတော့ အသိမှာ ခံစားသိနဲ့ ကြံဆသိ ဆိုပြီးတော့ နှစ်မျိုးရှိပါတယ်လို့ ဆိုပါတယ်။ အဲဒီ နှစ်မျိုးထဲမှာ ခံစားသိဆိုတာကို ကိုယ်တိုင် ကြုံဖူးမှ ရနိုင်ပါတယ်-တဲ့။ အဖြစ်အပျက်တိုင်းကို ကိုယ်တိုင် ကြုံဖို့ ဆိုတာ မဖြစ်နိုင်ပါဘူး။ ဦးဇင်းတို့အတွက် ပိုပြီး မဖြစ်နိုင်ပါဘူး။ ကြုံဖူးသူတွေ ရေးတဲ့ စာပေကို ဖတ်ရမှသာလျင် ဦးဇင်းတို့အတွက် အလွန်ဆုံး ရနိုင်တာက ကြံဆသ်ိပါ။ ဘာသိပဲ ဖြစ်ဖြစ်ပေါ့လေ။ အနဲဆုံး ရွာကို ပြန်ပြီး ဆရာလုပ်မဲ့ ဦးဇင်းတို့အတွက်တော့ လိုအပ်ပါတယ်။ ဘုမသိ ဘမသိ ဆရာဖြစ်တာထက် စာရင် နဲနဲပါးပါး သိပြီး ဆရာလုပ်တာက တဖက်လူအတွက် အကျိုများမလားလို့ပါ။

ဦးဇင်း ပြောချင်တာကတော့ ဆောင်းပါးရဲ့ ဦးတည်ချက်နဲ့ ဘာမှ မသက်ဆိုင်ပါ။ ရေမြှုပ်ဗုံးအကြောင်းနဲ့ ပတ်သက်ပြီးတော့ နဲနဲပြောချင်ပါတယ်။ ဦးဇင်းနဲ့ ဒကာဘလက်ခ် တယ်လီပသီများ ရှိနေရော့သလားမသိပါဘူးဗျာ။ ရေမြုပ်ဗုံးအကြောင်းရယ် ဟိုတခါ မေးထားတဲ့ မေးခွန်းအကြောင်းရယ်ကို စာရေးမလို့ ပြင်ဆင်နေတာပါ။ ဆောင်းပါးမှာ ဘုန်းကြီးတွေအကြောင်း မကောင်းသတင်းပါလို့ တုံ့ပြန်တယ်လို့တော့ မမှတ်ယူစေချင်ပါ။

ရေမြှုပ်ဗုံး အကြောင်း ပြောကြတာ အကြောင်းနှစ်ခု ရှိလိမ့်မယ်လို့ ထင်ပါတယ်။ ပထမ တခုက ဗမာတွေရဲ့ ဗီဇကြောင့်ပါ။ ဗမာ့ ဗီဇက ဘာလဲ ဆိုတော့ ကိုယ့်ကိုယ်ကို သိပ်ပြီး အထင်ကြီးကြပါတယ်။ မြှင့်လို့လဲ တွက်ကြပါတယ်။ ငယ်တုံးက သင်ရတဲ့ သင်ရိုးညွှန်းတမ်းစာအုပ်ထဲမှာ ပါတဲ့ ဦးဗဂျမ်းရဲ့ ကာတွန်းတကွက်ကို မှတ်မိဦးမလားပဲ။ လူနှစ်ယောက် အချီအချ စကားပြောတဲ့ ပုံပါ။ တယောက်က “အဘရေ အနောက်နိုင်ငံမှာတော့ လေယာဉ်ပျံတွေ ပေါ်နေပြီတဲ့”-လို့ ပြောတဲ့ အခါ ကျန်တယောက်က “သူတို့က အခုမှပါဗျာ၊ ကျုပ်တို့ ချာရာဏသီမှာလေ။ မယ်သီတာကို မင်းဒသ ခိုးတုံးကတည်းက လေယဉ်သုံးနေပြီဗျ”-လို့ ပြောပုံကို ဆွဲထားတဲ့ ကာတွန်းလေးပါ။ အဓိပ္ပါယ်တူ ကာတွန်း လေးကွက် ဆွဲထားပါတယ်။ ကျန်သုံးကွက်ကိုတော့ မမှတ်မိတော့ပါ။

အဲဒါ ကိုယ်တို့ လူမျိုးရဲ့ ဗီဇကို အတိအကျ ဖော်ပြတာပါပဲ။ အဆိုးဆုံးတခုကတော့ အရှုံးကို လက်မခံနိုင်ပါဘူး။ ကိုယ့်ညံ့ရင် ညံ့တယ်။ မှားရင် မှားတယ်လို့ ဘယ်တော့မှ မထင်ပါဘူး။ ကိုယ်အသုံးမကျတာကို ၀န်မခံပဲ အခြေအနေတခုခု ဒါမှမဟုတ်ရင် တခြားလူ တယောက်ယောက်ကို အပြစ်ပုံချချင်ကြတယ်လေ။ (အဲဒီအထဲမှာ ဦးဇင်းလဲ ထိပ်တန်းတနေရာမှာ ခုထက်ထိ ပါနေဆဲပါ။)

နောက်အကြောင်းတခုက ဘာသာရေးသည် လူတွေတိုးတက်မှုရဲ့ အဟန့်အတားဖြစ်တယ်လို့ အထင်ရောက်သူတွေ ၀ါဒဖြန့်ကြတဲ့အခါ သုံးတဲ့ ပါးစပ်ပုံပြင် တပုဒ်လို့ပဲ ယူဆပါတယ်။ အထူးသဖြင့်

တပ်မတော်နဲ့ ဘုန်းတော်ကြီးတွေကြားမှာ သွေးခွဲတဲ့ ဇာတ်လမ်းတပုဒ်ဆိုရင်လဲ မှားမယ် မထင်ပါဘူး။

အင်္ဂလိပ်တွေ မန္တလေးနန်းတော်ကို သိမ်းတဲ့ အင်္ဂလိပ်တွေက သိမ်းမိတဲ့ ပစ္စည်းတွေ မှတ်တမ်းမှတ်ရာတွေကို စာရင်းလုပ်ထားတာ ခုထက်ထိ ရှိတယ်လို့ ကြားဖူးပါတယ်။ ပစ္စည်းစာရင်းထဲမှာ ရေမြုပ်ဗုံးနဲ့ ပတ်သက်တဲ့ အရာဆိုလို့ တခုမှ မပါပါဘူး-တဲ့။ မှတ်တမ်းမှတ်ရာလဲ မပါပါဘူး။ အစီရင်ခံစာထဲမှာ ပါတာတခုကတော့ မြန်မာတွေ အဖို့ တော်တော်ရှက်စရာကေင်းပါတယ်။

ငယ်တုံးက သင်ခဲ့ရတဲ့ သမိုင်းနဲ့တော့ ပြောင်းပြန်ပါ။ ဦးဇင်းတို့ ငယ်ငယ်က “ကျွန်ုပ်တို့ မြန်မာလူမျိုးများသည် သူ့ကျွန်မခံ စိတ် အမျိုးချစ်စိတ် ထက်သန်စွာ ရရာလက်နက် စွဲကိုင်ကာ အပြင်းအထန် ခုခံတွန်းလှန် တိုက်ခိုက်ပါသော်လည်း လက်နက်ချင်း မမျှသောကြောင့် အညံ့ခံခဲ့ကြလေသည်။” လို့ သင်ခဲ့ရတာပါ။

သူတို့ ဖက်ကမှတ်ချက်ကတော့ “ဗမာတွေသည် အင်္ဂလိပ်တပ်ကို ခံချနိုင်တဲ့ လက်နက်တွေ အထိုက်အလျောက် ရှိပါလျက်နဲ့ အဘယ်အကြောင်းကြောင့် မခုခံပါလိမ့်-ဆိုတာကို နားမလည်နိုင်ပါ။” တဲ့။

ထားပါတော့လေ။ လူပြော သိပ်များနေတဲ့ ရေမြှုပ်ဗုံးအကြောင်းကိုပဲ ပြောကြရအောင်ပါ။ အဲဒါကို မပြောခင် အဲဒီခေတ်က ဘုရင်နဲ့ ဘုန်းတော်ကြီးများ ဆက်ဆံရေးကို အရင်ပြောချင်ပါတယ်။ သက်ဦးဆံပိုင် ဘုရင်ဆိုတာ အာဏာ အလွန်ပြင်းတာပါ။ သူတို့ သဘောနဲ့ မတိုက်ဆိုင်ရင် တခြားသူ မဆိုထားနဲ့ သူတို့ရဲ့ အစ်ကိုရင်း ညီရင်း အစ်မအရင်း အကုန်သတ်ပါတယ်။ သူတို့ကို အသက်နဲ့ရင်းပြီး နန်းတင်ခဲ့တဲ့ သူကိုတောင် သတ်ဖို့ ၀န်မလေးကြပါဘူး။ တချို့ဆိုရင် အဖေကိုတောင် သတ်ကြပါတယ်။ ငယ်ဆရာတို့ ဘုန်းကြီးတို့ဆိုတာ ညှာရကောင်းမှန်းတောင် သိမယ် မထင်ပါဘူး။

တကယ်တော့ အဲဒီခေတ်မှာ ဘုရင်ကို ဆန္ဒပြဖို့ နေနေသာသာ စကားတောင် ကျယ်ကျယ် မပြောရဲပါဘူး။ ပါးစပ်ရဲလှပါတယ် ဆိုတဲ့ ဗန်းမော်ဆရာတော်သည်ပင် မင်းမှုရေးရာနဲ့ ပတ်သက်လို့ တခွန်းတပါဒါမှ ၀င်မပြောခဲ့ပါ။ ယုတ်စွအဆုံး ဘုရင်မပြောနဲ့ ဘုရင်ရဲ့ မိန်းမ(မိဖုရားကြီးမဟုတ်ပါ) ရှေ့မှာတောင် ဘုန်းတော်ကြီးများ တင်ပလ္လင်ခွေ ထိုင်ခွင့်မရှိပါဘူး။ ဒါ တကယ့် အမှန်တရားပါ။ သိမှီလိုက်တဲ့ လူကြီးသူမများကို မေးကြည့်နိုင်ပါတယ်။ ခိုင်လုံတဲ့ မှတ်တမ်းတခု သိချင်ရင် ဒွါရဂိုဏ်းကို တည်ထောင်တဲ့ အုတ်ဖိုဆရာတော်ရဲ့ အတ္ထုပ္ပတ္တိကို ဖတ်နိုင်ပါတယ်။ သီပေါဘုရင် နန်းကျ၊ ကုလားပြည် ရောက်၊ ဟိုမှာ နတ်ရွာစံတယ်ပဲ ဆိုပါတော့။ နောက်တော့ သူ့မိဖုရားတွေ မြန်မာပြည်ကို အပြီး ပြန်လာတယ်။

အဲဒီအချိန်မှာ အုတ်ဖိုလ် ဆရာတော်ကို မိဖုရားတပါးကပင့်လို့ သူတို့အိမ်ကို ကြွခဲ့တယ်။ တခြားဆရာတော်တွေလဲ ပါပါတယ်။ အိမ်ရောက်တော့ တခြားဆရာတော်တွေက ပုဆစ်တုပ်ပြီး ထိုင်ပါတယ်။ အုတ်ဖိုဆရာတော် တပါးတည်းပဲ သူတို့ ရှေ့မှာ တင်ပလ္လင်ခွေပြီး ထိုင်မိတယ်။ အဲဒီအခါမှာ လူတွေဆိုရင် ခုချက်ချင်း မိုးကြိုးပဲ ပစ်တော့မလား။ မြေပဲ မြိုတော့မလားတောင် ထင်ကြပါတယ်။ ရဟန်းလောကမှာလဲ အံသြဘနန်းဖြစ်ခဲ့ပါတယ်။ ဒီဘုန်းကြီးတော့ တနည်းနည်းနဲ့ မကြာခင်မှာ ခေါင်းနဲ့ ကိုယ် အိုးစားကွဲတော့မယ်လို့ ယုံသူတွေ အတော်ကို များခဲ့ပါသတဲ့။ သူတို့ခေတ်ကုန်ရုံတွင်မကပါဘူး။ မြောင်းထဲ ရောက်လုလု အချိန်ပါ။ ဘာပါဝါ ဘာအာဏာမှ မရှိတော့ပါဘူး။ သူတို့မွေးတဲ့ သားသမီးကိုတောင် သူတို့ ထိမ်းသိမ်း စောင့်ရှောက်ခွင့် မရှိတော့တဲ့ အချိန်ပါ။ သူတို့ အာဏာရှိစဉ်မှာ ဆိုရင် စဉ်းစားကြည့်နိုင်ပါတယ်။

နောက်တခုကတော့ ဒေါက်တာတိုးလှရေးတဲ့ ကုန်းဘောင်ရွှေပြည်ဆိုတဲ့ စာအုပ်မှာလဲ မင်းတုံးမင်းကြီးတို့ လက်နက်အင်အားအကြောင်း နဲနဲ ပါပါတယ်။ သူကလည်း ရေမြုပ်ဗုံးကိစ္စဟာ မဖြစ်နိုင်ဘူးလို့ပဲ ယုံကြည်ပါတယ်။ မင်းတုံးမင်းကြီးရဲ့ လက်နက်စက်ရုံက ထန်းလုံးပစ် အမြောက်ကြီးတွေ တလကို အတော်များများ ထုတ်နေတယ် ဆိုပါတယ်။ တလကို အလက် ၂၀ လား ဘယ်လောက်လဲတော့ မသိဘူး။

တခုပဲ စဉ်းစားဖို့ ရှိပါတယ်။ အင်္ဂလိပ်နဲ့ တိုက်ရင် နိုင်နိုင်တဲ့ ရေမြုပ်ဗုံးကိုတော့ ဘုန်းကြီးတွေဆန္ဒပြလို့ ငါးတွေအပေါ် သနားဂရုဏာ ကြီးမားစွာနဲ့ သာသာနာပြု မင်းတြားကြီး ပီပီ မထုတ်ခဲ့ဖူး။ တခါပစ်ရင် လူ ၂၀ လောက်သုံးပြီး ပစ်မှ ကိုက် ၁၁၀-လောက် အမြောက်ဆံရောက်တဲ့ အမြှောက်ကျပြန်တော့ နင်းကန်ထုတ်တယ် ဆိုတာ တော်တော်ကို ယုတ္တိမရှိတာပါ။

မင်းတုန်းမင်းကြီးကို မင်းကောင်းတပါးအဖြစ်ပဲ ဦးဇင်းတို့ မြင်ပါတယ်။ ဦးဇင်းတို့တွင်လားဆိုတော့ မဟုတ်ပါ။ ခရစ်ယာန်ဘုန်းတော်ကြီးများလဲ ထို့အတူ မြင်ပါတယ်။ ဘာကြောင့်ပါလဲ။သူတို့ကို မင်းကြီးက အများကြီး အကူအညီပေးဖူးပါတယ်။ သာသနာပြုခွင့်တွေ ပေးတယ်။ အလှူငွေတွေ ထောက်ပံ့တယ်။ ခရစ်ယန် ဘုန်းတော်ကြီးများက မင်းကြီးသည် ခရစ်ယာန်သာသနာ စည်ကားအောင် ထောက်ပံ့နေတယ်လို့ ထင်ရလောက်အောင်ကို ထောက်ပံ့ခဲ့တာပါ။ သူ့သားတွေကို ခရစ်ယာန်ဘုန်းတော်ကြီးဆီမှာ အပ်ပြီး ပညာသင်စေပါတယ်။ ဘုရင့်မျက်နှာနဲ့ သူတို့လဲ သာသနာပြုတဲ့ နေရာမှာ အတော်ခရီးရောက်ခဲ့ပါတယ်။ ဒါတွေကို မင်းကြီး သိခဲ့ပါတယ်။

နောက် စူရတီ စွန္နာဝိုရာဂျွမ္မာ ဆိုတဲ့ မွတ်စလင်ကုလားတယောက်ကိုလဲ အတော် ဦးစားပေးပါတယ်။ [နန်းတွင်းဗလီကိုတောင် စူရတီ စွန္နာဝိုရာဂျွမ္မာပဲ ဆောက်တယ် ထင်ပါတယ်။ မသေချာပါ။] သေချာတာကတော့ ဈေးချို မြောက်ဖက်က ဗလီကို စူရတီ စွန္နာဝိုရာဂျွမ္မာ ဆောက်ပါတယ်။

ဒါဖြင့်ရင် ပဉ္စမသံင်္ဂါယနာတင် သာသနာပြု ထိပ်ခေါင်တင် မင်းတြားကြီးသည် အဘယ့်ကြောင့် မိမိ၏ ဘာသာကို ဖျက်ဆီးမည့် မိစ္ဆာဒိဋ္ဌကို အားပေးရပါသလဲ။ အကြောင်းရင်းကတော့ သူတို့အဆက်အသွယ်နဲ့ ဥရောပဖက်က သေနတ်တွေကို ၀ယ်ချင်လို့ပါ။

ဗထက်ချိုက် တစ်တောင့်ထိုး ရိုင်ဖယ်သေနတ် အနည်းငယ်အတွက် သာသနာ့အကြီးဆုံး အန္တရာယ်တခုကို လက်ယပ်ခေါ်ခဲ့တာပါ။ ဒီအတွက် မင်းတုံးမင်းကြီးမှာ အပြစ်မရှိ။ မင်းတုန်းမင်းကြီး၏ အမှားမဟုတ်။ နိုင်ငံရေး စစ်ရေးအရ ဒီလိုပဲ လုပ်ရမှာပါ။ ဘုရင်အလုပ်ကို ဘုရင်လုပ်တာပဲ ဖြစ်ပါတယ်။ မင်းတုန်းမင်းရဲ့ သဘော သဘာဝကို သိအောင် ရေးပြနေခြင်းသာ ဖြစ်ပါတယ်။ အကယ်ရွေ့သာ ရေမြုပ်ဗုံးကိစ္စ ဟုတ်ရိုး မှန်ခဲ့ရင် မင်းတုံးမင်းသည် ခရစ်ယန် ဖားသားကိုလဲ အလေးထားမှာ မဟုတ်သလို စူရတီကုလားကိုလဲ ဖားမှာ မဟုတ်ပါဘူး။

ဘုန်းကြီးများ ဆန္ဒပြတယ်ပဲ ထားအုံး။ မှန်ပါ့ ဘုရား၊ တင်ပါ့ ဘုရား-ဆိုပြီး ဆက်လုပ်ရင် ဘယ် ဘုန်းကြီးက ဘာသိမှာ တဲ့လဲ။ ဒီပုံစံ ဒီအချိုး ချိုးပြီး ဆုံးဖြတ်ချခဲ့တဲ့ ထုံးတွေလဲ ရှိပါတယ်။ ဒါကိုပဲ သူတို့က ရာဇပရိယာယ်လို့ သုံးနေကြတာပါ။ မင်းတုံးမင်း လက်ထက်မှာ ဆရာတော်များ သပိတ်မှောက်တယ်ဆိုတာ သာသနာဝင် မှတ်တမ်းမှာလဲ မပါပါဘူး။ ခိုင်လုံတဲ့ ရာဇ၀င်မှတ်တမ်းမှာလဲ မဖတ်ဖူးပါ။ ဦးဇင်း စာဖတ်အားနည်းလို့ မဖတ်မိရင်တော့လဲ မသိဖူးပေါ့လေ။ ညီဝင်းစိန်တို့ ကတဲ့ ပါတော်မူခန်း ပြဇာတ်မှာတော့ ကနောင်မင်းသားကြီး ငိုချင်းချတာ ပါမလားတော့ မပြောတတ်ဖူး။

တက္ကသိုလ် စိန်တင်ကလဲ ရေမြှုပ်ဗုံး ကိစ္စ မင်းတုံးမင်းကြီး တားလို့ ကနောင်မင်းသားကြီးနဲ့ ယောမင်းကြီး ခေါင်းချင်းဆိုင်ပြီး ခါးပုံစနဲ့ မျက်ရည်သုတ်ပြီး ငိုကြောင်း ရေးတာတော့ ဖတ်ဖူးပါတယ်။ သူရေးသလို အိမ်ရှေ့မင်းသားနဲ့ အမတ်မင်းတို့ ယောက်ျားရင့်မာကြီးတွေ ခါးပုံစလေးတွေနဲ့ မျက်ရည်သုတ်သုတ်ပြီး ငိုနေတဲ့ ပုံစံကို မှန်းကြည့် စမ်းပါဗျာ။ သူတို့ကို အသက်နဲ့စက်ပြီး လေးစား ကြည်ညိုနေတဲ့ သူတွေရဲ့ ရှေ့မှာ ကြီးကောင့် ကြီးမားနဲ့ ငို၏ မငို၏ ဆိုတာကိုပါ။

လက်နက်တခုကို စမ်းတယ်ဆိုတာ အောင်မြင်ပြီးသား အရာတခုကို သေချာ သွားအောင် အတည်ပြုချက် ရယူတဲ့ သဘော ဖြစ်ပါတယ်။ ကြောင်ပေါက်စ တစ်ကောင်ကို အထီးလား အမလား သိချင်လို့ အမြီးလှန်ပြီး ကြည့်သလောက် လွယ်မယ် မဟုတ်ပါဘူး။ ခေတ်ပညာတတ်လဲဖြစ် ဒီအပိုင်းမှာ နီးစပ်မှုလဲ ရှိတဲ့ မောင်ရင်တို့ ပိုသိပါတယ်။ အမေရိကန်သည်ပင်လျင် အနုမြူဗုံးကို စမ်းခဲ့စဉ်က သုံးလုံး လုပ်ပြီး တလုံးကို စမ်းခြင်းဖြစ်ပါတယ်။ ကျန်တဲ့ နှစ်လုံးကို ဂျပန်မှာ ချပါတယ်။ ချအပြီးမှာ ရုပ်တည်ကြီးနဲ့ ဖိန့်ပါတယ်။ ကံကောင်းလို့ ဂျပန်က ယုံသွားတာပါ။ (အမှန်က သူတို့ ရှိတဲ့ ဗုံးက ဒါအကုန်ပဲ။ ထပ်ချဖို့ လက်ကျန်မရှိတော့ပါဘူး။ ဂျပန်ကသာ ဆက်တင်းခံရင် သူတို့လဲ တကယ့်ကို ဒုက္ခရောက်မဲ့ အပေါက်ပါ။)

မင်းတုန်းမင်းကြီးက “ညီတော်ရေ မင်းရေမြှုပ်ဗုံးကြောင့် ငါးတွေ လိပ်တွေ သေလိမ့်မယ်။ ရပ်လိုက်တော့နော်။ ” လို့ ပြောချိန်မှာ ကနောင်ကလဲ “ဟုတ်ကဲ့ ခင်ည။” ဆိုပြီး ဖုတ်ဖက် ခါထ၊ ခါးတောင်းကြိုက်ဖြုတ်လိုက်ရုံနဲ့ ဇာတ်လမ်းက ပြီးမှာမှ မဟုတ်တာ။ ၀ါးဆစ်ဗူးထဲ ထုံးထည့်ပြီး စမ်းတာဆိုရင်တော့ တမျိုးပေါ့လေ။

ကနောင်မင်းသားကြီးတို့ အုပ်စုကို အထင်သေးလွန်းလို့ ဒီစကားပြောတာ မဟုတ်ပါဘူး။ သူတို့ခေတ်က ဒီပညာရပ်ကို တကယ် တတ်ခဲ့ရိုးမှန်ရင် ဒီကနေ့ခေတ် သက်ဆိုင်ရာ နယ်ပယ်တွေမှာ ကျေးဇူးပြုနေမှာ ဖြစ်ပါတယ်။ ဥပမာ ယောမင်းကြီးရဲ့ မြန်မာအက္ခရာဖြင့် ကြေးနန်းရိုက်နည်းဆိုပါတော့။ ဒီကနေ့ Unicode Font -လုပ်တဲ့အခါမှာ ကျေးဇူးပြုလာပါတယ်။

ကနောင်မင်းသားကြီးတို့ ရေမြှူပ်ဗုံး လုပ်နိုင်ခဲ့ပါတယ် ဆိုရင် သူတို့ရဲ့ နည်းပညာက ဒီကနေ့ တပ်မတော် လက်နက်ထုတ်လုပ်ရေးမှာ တဖက်တလမ်းက ကျေးဇူးပြုနေမှာ ဖြစ်ပါတယ်။ အဲဒါတော့ ခုထက်ထိ မကြားမိသေးပါ။ ဦးဇင်းတို့နဲ့ မသက်ဆိုင်တာ မို့ မသိတာလဲ ဖြစ်ကောင်း ဖြစ်နိုင်ပါတယ်။

တကယ်တော့ လောကီနယ်မှာ လူဆိုတာ ပတ်ဝန်းကျင်ထက် သာလွန်းရင် ခေါင်းတလုံးစာပဲ သာနိုင်ပါတယ်။ ဒါထက်ပိုပြီးသာလို့ မရပါဘူး။ ပြင်သစ်ကို သွားပြီး ဖန်ချက်အတတ် သင်ခဲ့တဲ့သူက ရေမြှုပ်ဗုံးလုပ်တတ်စရာ အကြောင်းမမြင်ပါ။ ကိုရွှေ ဖရန်စစ်(France) တို့ကလည်း သူတို့တောင် မရသေးလို့ အရှုးအမူးလိုချင်နေတဲ့ နည်းပညာတခုကို မြန်မာများကို သဒ္ဓါတရား ထက်သန်စွာနှင့် သင်ပေးလိမ့်မယ် လို့တော့ မထင်မိပါ။

စာလဲ ရှည်သွားပြီ။ အားလုံး ကြားဖူးတဲ့ လေမျိုး ၈၀-ဇာတ်လမ်းနဲ့ပဲ နိဂုံးချုပ်ချင်ပါတယ်။ တခါက ဗမာတယောက် ယိုးဒယားလေဆိပ်မှာ စစ်ဆေးတဲ့အခါ လျက်ဆားတပုလင်း တွေ့လို့ Custom အရာရှိကခေါ်မေးပါ သတဲ့။ လျက်ဆားပုလင်းပေါ်မှာပါတဲ့ စာကို ဘာသာ ပြန်ခိုင်းတဲ့အခါ ကိုရွှေမြန်မာက 80 Types of Wind. လို့ တိုက်ရိုက် ဘာသာပြန်တယ် ဆိုပဲ။ လေမျိုး ၈၀-က ဘာတွေလဲ မေးတော့ ကိုရွှေမြန်မာက မဖြေနိုင်ဘူး-တဲ့။ အဲဒီတော့ ယိုးဒယား Custom အရာရှိက “ လေမျိုး ၈၀ ရှိတယ်ပဲ ထားပါဗျာ။ ခင်ဗျားတို့ ဗမာ ဘယ်လောက်စွမ်းတယ် ပြောပြော။ အဲဒီ လေမျိုး ၈၀ကို အမှုန့်လုပ်တဲ့ အထိတော့ စွမ်းနိုင်မယ် မထင်ပါဘူး” လို့ မှတ်ချက်ပေးလိုက် ပါသတဲ့။

ဒကာ ဘလက်ရေ ကျုပ်တို့ ရေမြုပ်ဗုံးကလဲ 80 Types of Wind- ပဲလား မသိပါဘူးဗျာ။ ကျွမ်းကျင်သူတွေ ကြားရင်တော့ ဘယ်လိုများ မှတ်ချက် ပေးဦးမယ် မသိ။ ကြားတော့လည်း ကြားချင်စမ်းပါဘိ။


ဒီနေရာ မှ ကူးယူဖေါ်ပြပါတယ်

ဆရာတော်ဦးဇောတိကတရားတော်မှ

လောကဓံဆိုတာ အကောင်းလည်း လောကဓံပဲ။ အဆိုလည်းလောကဓံပဲ။ များသောအားဖြင့် အဆိုးကိုပဲ လောကဓံလို့ ပြောကြတာများပါတယ်။ အကောင်းနဲ့ ကြုံနေရတဲ့ အခါကြတော့ ငါ့မှာ လောကဓံနဲ့ ကြုံနေရတယ်လို့ မပြောကြဘူး။ အကောင်းကို လောကဓံလို့ မထင်ဘူး။ သို့သော် ဘဝမှာ ကြုံတွေ့နေရတာဟာ အဆိုးတွေက တော်တော်များပါတယ်။ အဲဒါတွေကို သတိနဲ့ ဉာဏ်နဲ့ ကြည့်ပြီးတော့ သိပြီးတော့ နေကြမယ်ဆိုရင် အဲဒီ အဆိုးတွေရဲ့ ဒဏ်ရာဒဏ်ချက်တွေကို ခံရတာ သက်သာမယ်။ အခြွေအရံများခြင်း အခြွေအရံနည်းခြင်းကို အရင်ကလည်းပြောဖူးပါတယ်။ နောင်တစ်ခေတ်မှာ လူတွေ တွေ့ကြုံရမယ့် ဒုက္ခ တွေထဲမှာ အကြီးဆုံးဒုက္ခက ဘာလဲဆိုတော့ အပေါင်းဖော်မရှိခြင်းပဲ။ အခုလည်း ကြုံနေရပါပြီ။ ယေဘုယျ လောကကြီးထဲ ကြာလေများလေ ဖြစ်လာနေတာ လူဦးရေများလာသလောက် လူတွေအဖော်မဲ့ အထီးကျန် ပိုဖြစ်လာပါတယ်။ အပျော်အပါးတွေ လည်းအခုခေတ်မှာ ပိုများလာပါတယ်။ အပျော်အပါးများလာသလောက် အဖော်လည်းပိုပြီး မက်လာကြပါတယ်။
အနောက်နိုင်ငံမှာတော့ တော်တော်လေး ဒီအခက်ခဲတွေကို တွေ့ရတာ တော်တော်လေး ကြာနေပါပြီ။ အနောက်နိုင်ငံက ပညာရှိအချို့ကလည်း ဒီအခက်ခဲ ဒုက္ခ တွေကို ဘယ်လိုဖြေရှင်းရမလဲဆိုတာ သူတို့ဟာသူတို့နည်းလမ်းတွေ ရှာနေကြပါတယ်။ သို့သော် ပြည့်စုံတယ်လို့တော့ မရှိပါဘူး။ ဘယ်တော့မှ မပြည့်စုံဘူး။ သူတို့ဆီက ကောင်းတဲ့ နည်းတွေကိုလည်း ယူရမှာပဲနော်။ ဘုန်းဘုန်းငယ်ငယ်က စာအုပ်ကလေးတစ်အုပ် ဖတ်ဖူးတာရှိတယ်။“My crowded loneliness ” အဓိပ္ပါယ်က လူတွေအများကြီးထဲမှာ နေပြီးမှ အထီးကျန်ဖြစ်နေတဲ့ဘဝ လို့ ဆိုလိုပါတယ်။ အင်မတန်စဉ်းစားဖို့ ကောင်းတယ်နော်။ လူမရှိလို့ အထီးကျန်ဖြစ်တာ မဟုတ်ဘူးနော်.. ကိုယ့်အနားမှာ လူတွေအများကြီးရှိနေပေမဲ့လည်း ကိုယ်ဟာအထီးကျန်အဖော်မဲ့ ဖြစ်နေပါတယ်။ ဒီအကြောင်းနဲ့ပက်သက်လို့လဲ အနောက်နိုင်ငံက ပညာရှင်များပြောတာကိုလည်း ထည့်စဉ်းစားစေချင်ပါတယ်။ မြတ်စွာဘုရားဟောတော်မူတဲ့ သတိပဋ္ဌာန်ကြီးနဲ့လည်း ဒါကိုဘယ်လိုရင်ဆိုင်ဖြေရှင်း ရမလဲဆိုတာကိုလည်း စဉ်းစားစေချင်ပါတယ်။ လက်တွေ့လည်း လုပ်ကြည့်စေချင်ပါတယ်။ လူတွေအများကြီးရှိနေပေမယ့် အဖော်မဲ့သလို ဖြစ်နေတဲ့ ခံစားမှုမျိုး ကြုံဖူးကြမှာပါပဲ။
ဘယ်သူပဲဖြစ်ဖြစ် တစ်ဖြည်းဖြည်းနဲ့ အနည်းနဲ့ အများ အဖော်မဲ့နေသလို အထီးကျန်နေသလိုမျိုးဟာ ကြုံတွေ့ရတတ်ပါတယ်။ အချို့လူတွေဟာ အလုပ်သိပ်များတယ် ဘယ်တော့မဆို ခပ်သုတ်သုတ်လုပ်တယ်။ ခပ်မြန်မြန်သွားတယ်၊ ပြောတယ်၊ လုပ်တယ်။ သူ့မှာ သူ့အနားကို ရောက်လာတဲ့ လူတစ်ယောက်ကို အေးအေးဆေးဆေး အာရုံပြုဖို့၊ ဒီလူပြောတာကို အေးအေးဆေးဆေး စဉ်းစားဖို့၊ အဲဒီလူကို ကိုယ့်စိတ်ထဲက ဘာပြောချင်လဲဆိုတာကို စဉ်းစားပြီးတော့ ပြန်ပြောဖို့ရာ အချိန်မရှိဘူး။
အခုခေတ်က အလုပ်အင်မတန်များတဲ့ခေတ်၊ အပျော်အပါးတွေ အင်မတန်များတဲ့ခေတ် ဖြစ်တော့ လူလူချင်းဆက်ဆံရေးမှာ အချိန်တွေဟာ လျော့လျော့ကုန်သွားတယ်။ အနောက်နိုင်ငံမှာဆိုရင် မိဘနဲ့သားသမီး စကားပြောချိန်ဟာ တစ်နေ့မှမိနစ် ၂ဝ လောက်ပဲရှိတယ်တဲ့။ လူလူချင်းထိတွေ့မှု Human contact တဖြည်းဖြည်း နည်းသွားနေတယ်။
အဖော်ဆိုတာ ဘယ်လိုမျိုးကိုခေါ်မလဲ။ ကိုယ့်စိတ်ထဲမှာ ဘာတွေဖြစ်နေမလဲ၊ ဘာတွေခံစားနေရမလဲကို ကိုယ်ချင်းစာတဲ့သူ၊ နားလည်တဲ့သူ။ နားလည်တယ် ဆိုတဲ့နေရာမှာလည်း ကိုယ့်ရဲ့ အကောင်းရော အဆိုးရော အားနည်းချက်ရော အကုန်လုံးကို နားလည်တာကိုဆိုလိုတာနော်။ ကိုယ့်ကိုအလကားနေရင်း အပြစ်မတင်တဲ့သူ၊ မဝေဖန် မရှုတ်ချတဲ့သူ၊ အပြစ်မရှာတဲ့သူကို ကိုယ့်အဖော်လို့ခေါ်တယ်။ သာမန်အားဖြင့် လူတွေက အပြစ်မရှိအပြစ်ရှာတက်တယ်။ အပြစ်သေးသေးလေးကို ပုံကြီးချဲ့တတ်တယ်။ အဖော်ကောင်း မိတ်ဆွေကောင်းတွေဟာ အဲဒီလို မလုပ်ဘူးနော်။ ကိုယ့်ရဲ့ချို့ယွင်းချက်ကို စေတနာ၊မေတ္တာနဲ့ မထောက်ပြဘူး မဆိုလိုဘူးနော်။ ကိုယ့်မှာ အမှားတွေ ချို့ယွင်းချက်တွေ ရှိနေရင်တောင်မှ အဲဒါကို ကိုယ်ချင်းစာပြီးတော့ နားလည်အောင်ကြိုးစားတယ်။ ငါဟာ သူ့နေရာမှာ နေရရင် ဘယ်နှယ့်များနေမလဲလို့ ကိုယ်ချင်းစာတတ်တယ် ကိုယ့်စကားကို သေသေချာချာနားထောင်တယ်။ ဆုံးအောင် နားထောင်တယ်။ အဓိပ္ပါယ်ကိုလည်း မှန်မှန်ကောက်တယ်။
ဒီအချက်တွေကို သေသေချာချာ စဉ်းစားပါနော်။ အဖော်ဖြစ်ဖို့ရာ လိုအပ်တဲ့ အင်္ဂါရပ်တွေက တော်တော်များပါတယ်။ ကိုယ်အနားမှာ ထိုင်နေရုံနဲ့ အဖော်လို့ ပြောလို့မရဘူး။ ကိုယ်ပြောတဲ့ စကားကို မှန်မှန်ကန်ကန်နဲ့ နားလည်မှသာ သူနဲ့ ကိုယ်နဲ့ အဖော်ဖြစ်နိုင်တယ်။ ကိုယ်က စကားတစ်ခုခုပြောတယ်။ သူက သူ့ဟာသူ လိုသလို အဓိပ္ပါယ်ကောက်တယ်။ ကိုယ်က အဲဒါငါပြောချင်တဲ့ အဓိပ္ပါယ်မဟုတ်ပါဘူးလို့ ပြန်ရှင်းပြရင်တောင်မှ သူက လက်မခံဘူး။ ကိုယ်ကောက်ချင်တဲ့ အဓိပ္ပါယ်ပဲကောက်တယ်။ အဲဒါမျိုးလုပ်တတ်တယ်ဆိုရင် အဲဒီလူနှစ်ယောက်ဟာ အဖော်မဖြစ်နိုင်ဘူး။ နားလည်တယ်ဆိုတဲ့ ကိစ္စဟာ ရာခိုင်နှုန်းပြည့် ဘယ်တော့မှ မဖြစ်နိုင်ဘူး။ သို့သော် တဆင့်နှိပ်ပီ ပြောရမယ်ဆိုရင် နားလည်ချင်စိတ်ရှိတယ်။ နားလည်ဖို့ ကြိုးစားတယ်ဆိုရင်ပဲ အင်မတန်တော်လှပါပီ။ အဲဒီလောက်ရှိပီဆိုရင်ပဲ ဒီလူနှစ်ယောက်ဟာ အဖော်ဖြစ်လို့ရပီ။
အများစုကတော့ တစ်အိမ်ထဲမှာ အတူတူပင်နေသော်လည်း တစ်ယောက်ကိုတစ်ယောက် အဓိပ္ပါယ်တွေ ကောက်တာတွေ လွဲနေတယ်။ စကားကို ဆုံးအောင်နားမထောင်ဘူး။ ကိုယ်ချင်းမစာဘူး။ နားမလည်ဘူး။ ခန္ဓာကိုယ်ချင်း ထိပီ ထိုင်နေသော်လည်း စိတ်ချင်းတစ်ယောက်နဲ့ တစ်ယောက် မသိဘူးလို့ ပြောလို့ရတယ်။ သူ့လည်း ငါမသိ ငါ့လည်း သူမသိ။ ဒီလို မသိနိုင်တဲ့သူ နှစ်ယောက် အဖော်မဖြစ်နိုင်ပါဘူး။ ငါ့ကို သိမှ ငါနဲ့ အဖော်ဖြစ်မယ်။ ငါဘယ်လိုခံစားနေတယ်ဆိုတာ သိမှ ငါနဲ့ အဖော်ဖြစ်မယ်။
ဥပမာ... သင်္ချာပညာရှင် တစ်ယောက်နဲ့ ရူပဗေဒ ပညာရှင်တစ်ယောက်ရှိတယ်ဆိုပါတော့.. မက်စ်နဲ့ ဖေစ့်စစ် သူတို့နှစ်ယောက်ဟာ ဘာသာရပ်ချင်း ဆက်စပ်မှုချင်းနည်းနည်းရှိနေတော့ တစ်ယောက်ကို တစ်ယောက် ဒီဘာသာရပ်နဲ့ ပတ်သက်တာတွေ ပြောကြမယ် ဆိုကြမယ် ဆွေးနွေးကြမယ်။ ဒါပေမဲ့ သူတို့နှစ်ယောက် အဖော်မဖြစ်ဘူး။ ဘယ်ဖြစ်လို့လဲ ဆိုတော့ အဲဒါ အပြင်ပကြောင့်ဖြစ်တယ်။ ကိုယ့်ဘဝနဲ့ ကိုယ်ခံစားချက်နဲ့ တကယ်ပြည့်ပြည်ဝဝ ဆက်စပ်မှု မရှိသေးဘူး။ သို့သော် သူတို့နှစ်ယောက်က ပညာရှင် အချင်းချင်း ပညာကို တန်ဖိုးထားတဲ့ ဆက်ဆံရေးမျိုးဖြစ်တယ်။ အဲဒီလောက်နဲ့ ဆက်ဆံရေး မလုံလောက်ဘူး။ သူ့မှာ ဝမ်းနည်းတဲ့ အခါလည်းရှိတယ်။ စိုးရိမ်တဲ့ အခါလည်းရှိတယ်။ အားငယ်တဲ့ အခါလည်းရှိမယ်။ တစ်ချိန်မှာ ဝမ်းသာမဲ့အခါလည်း ရှိမယ်။ အဲဒါတွေ အားလုံးကို မျှဝေပြောပြနိုင်ပါမှ မိတ်ဆွေကောင်း အဖော်ကောင်းလို့ ခေါ်နိုင်တယ်။
ဘယ်သူဖြစ်ဖြစ် တစ်ခါတစ်လေ ဝမ်းနည်းတတ်တယ်။ ဒါပေမဲ့ အဲဒါကို ဟန်လုပ်ပီ ဖုံးကွယ်ပီ နေတတ်တယ်။ လူနဲ့ တွေ့တဲ့အခါ ပျော်နေတဲ့ အမူအရာမျိုးလုပ်ပြတယ်။ ငါဝမ်းနည်းနေတာ လူတွေ မတွေ့စေရဘူး။ လူသိသွားရင် ငါ့ကို ပျော့ညံ့တဲ့လူလို့ ထင်မယ်။ အဲဒီတော့ ဟန်လုပ်ပီ နေရတာ သိပ်ပီတော့ lonely ဖြစ်တယ်။ တချို့ ကိုယ်လုပ်ချင်တဲ့ကိစ္စတွေထဲမှာ ကိုယ့်ဟာကိုယ်ပြန်ပီ ရှင်းရတဲ့ ကိစ္စမျိုး ရှိချင်ရှိမယ်။ မအောင်မြင်တဲ့ ကိစ္စမျိုးလည်းရှိချင် ရှိမယ်။ အဲဒီလို ကိုယ်စိတ်ထဲမှာ ရှက်တာ ကြောက်တာ အားငယ်တာ စိုးရိမ်တာ ဝမ်းနည်းတာတွေကို မသိတဲ့သူ နားမလည်တဲ့သူ ကိုယ်ချင်းမစာတဲ့ သူတွေအတွက် အဖော်မဖြစ်နိုင်ပါဘူး။ အထူး သဖြင့် ကိုယ်နဲ့ အတူနေတဲ့သူတွေဆိုရင် အရေးကြီးပါတယ်။ တချို့လူတွေဟာ လူအများနဲ့ တကယ်ခင်ခင်မင်မင် ရင်းရင်းနှီးနှီး မဆက်ဆံကြဘူး။ လူတွေနဲ့ ကင်းကွာပီ တစ်ယောက်တည်း ဖြစ်နေတယ်။ တစ်ယောက်တည်း ဖြစ်နေတာကိုလဲ ရင်ထဲမှာ ခံရတာ ခက်နေတယ်။ ကိုယ်အကြောင်းကို ပြန်စဉ်းစားမိရင် ပြန်တွေးမိရင် ရင်ထဲမှာ ခံရတာ ခက်နေတယ်။ ဒါကိုလည်း လူတွေ အတော်များများ ခံစားဖူးမှာပါနော်။
forward.ထဲကကူးယူထာတာပါ။ကျွန်တော်ဖတ်ဖို့